ԱՄՆ-ը Կիևից պահանջում է դուրս գալ Դոնբասից՝ անվտանգության երաշխիքներ ստանալու համար․ Զելենսկի

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Ուկրաինայի նախագահ Վլադիմիր Զելենսկին Reuters-ին տված հարցազրույցում կրկին հայտարարել է, որ Թրամփի վարչակազմը ճնշում է գործադրում Ուկրաինայի վրա՝ իր զորքերը դուրս բերելու Դոնբասի մնացած մասից, ինչը թույլ կտա որոշակի անվտանգության երաշխիքներ ստանալ Միացյալ Նահանգներից: Սակայն Զելենսկին Դոնբասից հեռանալը համարում է սխալ և վտանգավոր քայլ, այդ թվում՝ Թրամփի համար, գրում է BBC-ի ռուսական ծառայությունը։

«Ամերիկացիները պատրաստ են բարձր մակարդակով ձևակերպել այս [անվտանգության] երաշխիքները, երբ Ուկրաինան պատրաստ լինի դուրս գալ Դոնբասից։ Իմ կարծիքով՝ ռուսական կողմն ամերիկացիների հետ իր երկխոսության մթնոլորտը ձևավորում է հենց այս գաղափարի շուրջ, որ Ուկրաինան պետք է դուրս գա Դոնբասից, այդ դեպքում Միացյալ Նահանգներն Ուկրաինային կտա այն անվտանգության երաշխիքները, որոնք ցանկանում է, և ռուսներն անպայման կդադարեցնեն պատերազմը։ Սա մոտավորապես այն եռանկյունին է, որում մենք հայտնվել ենք։ Դուք հասկանում եք, որ Դոնբասից հեռանալը սխալ է, անբարոյական և այլն, բայց Դոնբասից այսօր հեռանալը նաև նշանակում է Ուկրաինայի պաշտպանական գծերի թուլացում»,- ասել է նա։

Այդ պատճառով, Զելենսկին կարծում է, որ երկրի արևելյան մասից դուրս գալը մեծ ռիսկ է ներկայացնում Ուկրաինայի համար, Եվրոպայի համար։

«Վերջին հաշվով՝ խաթարված խաղաղությունը մեծ ռիսկ է թե՛ Թրամփի, թե՛ նրա թիմի համար։ Հետևաբար, մենք պետք է խոսենք։ Եթե երեք կողմերն էլ ցանկանում են խաղաղություն, նրանք պետք է անցկացնեն առնվազն մեկ ղեկավարության մակարդակով հանդիպում՝ տարածքային հարցերը և անվտանգության երաշխիքները քննարկելու համար։ Սրանք երկու հիմնական հարցեր են՝ տարածքային հարցեր և անվտանգության երաշխիքներ։ Ամերիկայի Միացյալ Նահանգներն այստեղ միջնորդ է։ Ես կարծում եմ, որ անհրաժեշտ հնարավորությունները նրանց ձեռքում են»,- հայտարարել է Ուկրաինայի ղեկավարը։

Նա նաև նշել է, որ ԱՄՆ-ը ներկայում կենտրոնացած է Իրանի հետ հակամարտության վրա։

«Մերձավոր Արևելքը, անկասկած, ազդում է նախագահ Թրամփի վրա, և կարծում եմ, որ այն կազդի նաև նրա հետագա քայլերի վրա։ Ցավոք, իմ կարծիքով, նախագահ Թրամփը շարունակում է ընտրել ուկրաինական կողմի վրա ճնշումը մեծացնելու ռազմավարությունը»,- ասել է Զելենսկին։

Հունվարին Ուկրաինայի նախագահը հայտարարել էր, որ Կիևի դիրքորոշումը տարածքների վերաբերյալ չի փոխվել, և որ փոխզիջումները պետք է փոխադարձ լինեն։ Նա նաև հավելել էր, որ ԱՄՆ-ի հետ երկկողմ անվտանգության երաշխիքները «100%-ով պատրաստ են», և Կիևը սպասում է, որ դրանք կստորագրվեն։

Financial Times-ը նախկինում, հղում անելով աղբյուրներին, հայտնել էր, որ ԱՄՆ-ը կարող է նման պայման դնել։ Աղբյուրների համաձայն՝ Վաշինգտոնը նախնական պատրաստ էր խաղաղ ժամանակ ավելացնել Ուկրաինայի զինված ուժերին զենքի մատակարարումները, եթե ուկրաինական զորքերը դուրս գան։ Սակայն այդ ժամանակ դեռևս պարզ չէր՝ արդյո՞ք ԱՄՆ-ը որևէ պաշտոնական պարտավորություն կստանձնի։

Թարգմանությունը՝ Էմմա Չոբանյանի