26.10.2026 | 14:52
Ադրբեջանի և Հայաստանի միջև կայուն խաղաղության հաստատումը տնտեսական նոր հնարավորություններ կբացի․ Նիդերլանդների ԱԳ նախարար
Իրանի ԶՈՒ-ն պնդում է, որ հրթիռներ են արձակել ԱՄՆ USS Abraham Lincoln ավիակրի ուղղությամբ
Քաղաքականություն
25.03.2026 | 19:52
Իրանը թևավոր հրթիռներ է արձակել USS Abraham Lincoln ավիակիրի ուղղությամբ, ասվում է երկրի ռազմական գերատեսչության հայտարարության մեջ, որը տարածվել է պետական հեռուստատեսությամբ՝ նախազգուշացնելով հետագա արձակումների մասին, եթե հարվածային խմբի նավերը մոտենան իրանական հասանելիությանը։
«Իրանական ռազմածովային ուժերի «Քադեր» թևավոր հրթիռները (ափամերձ տեղակայման հականավային հրթիռ) թիրախավորել են ԱՄՆ-ին պատկանող Abraham Lincoln ավիակիրը և ստիպել փոխել իր դիրքը»,- ասվում է հայտարարության մեջ։
Նշվում է, որ ռազմածովային ուժերի հրամանատար, ծովակալ Շահրամ Իրանիի խոսքով՝ ավիակիրների խմբի շարժումները «մշտապես վերահսկվում են… և հենց որ այս թշնամական նավատորմը հայտնվի մեր հրթիռային համակարգերի հասանելիության սահմաններում, այն կենթարկվի Իրանի ռազմածովային ուժերի հզոր հարվածների»։
Ավելի վաղ էլ Իրանի խորհրդարանի խոսնակ Մոհամմադ Բաղեր Ղալիբաֆը զգուշացրել էր Վաշինգտոնին՝ «չփորձարկել Իսլամական Հանրապետության վճռականությունը՝ պաշտպանելու իր տարածքը», այն բանից հետո, երբ հաղորդվեց, որ Միացյալ Նահանգներն ավելի շատ զորքեր է ուղարկում Մերձավոր Արևելք։
Թարգմանությունը՝ Էմմա Չոբանյանի
