25.03.2026 | 18:26
ESPN․ Աշխարհի լավագույն ֆուտբոլիստները՝ ըստ տարիքային խմբերի
Արարատի և Արմավիրի մարզերում կասեցվել է 7 ապօրինի հորի շահագործում
25.03.2026 | 16:53
Բնապահպանության և ընդերքի տեսչական մարմնից տեղեկացնում են, որ Մարմինը Արարատի և Արմավիրի մարզերում իրականացված ստուգայցերի արդյունքում հայտնաբերել է ապօրինի ջրօգտագործման դեպքեր, ինչի հետևանքով կասեցվել է 7 խորքային հորի շահագործում՝ առանց համապատասխան թույլտվությունների իրականացված ջրառի համար։
«Բնապահպանության և ընդերքի տեսչական մարմնի աշխատակիցները ջրային ռեսուրսների պահպանությանն ուղղված ստուգայցերի ընթացքում Արմավիրի և Արարատի մարզերում հայտնաբերել են ապօրինի ջրօգտագործման դեպքեր։
Արմավիրի մարզի Ապագա բնակավայրում երկու քաղաքացի, իսկ Լուսագյուղում՝ մեկ անձ ոռոգման նպատակով շահագործել են ապօրինի խորքային 3 հոր։
Արարատի մարզի Նորամարգ բնակավայրում «Ռիվեռ Լանդ» ՍՊԸ-ն ու ևս մեկ անձ, Արևաբույրում՝ մեկ, Նիզամիում՝ մեկ քաղաքացի, նույն նպատակով ապօրինի խորքային 4 հորից՝ առանց համապատասխան թույլտվությունների կատարել են ապօրինի ջրառ։
Տեսչական մարմնի Արմավիրի, Արարատի տարածքային բաժինների պետերի որոշումներով բոլոր 7 ապօրինի հորի շահագործումը կասեցվել է»,- ասված է հաղորդագրությունում։
