Նախանձում են ՔՊ-ին․ Արփի Դավոյան․ ՏԵՍԱՆՅՈՒԹ

Ազգային ժողովում հայտարարությունների ժամին «Քաղաքացիական պայմանագիր» խմբակցության պատգամավոր Արփի Դավոյանը քննադատել է ընդդիմությանը՝ նշելով, որ այն չի ձևավորում սեփական քաղաքական օրակարգ։

Նրա խոսքով՝ նախընտրական տարվա պայմաններում ակնկալվում էին բովանդակային ելույթներ, սակայն, ըստ պատգամավորի, խորհրդարանում կրկին հնչում են «մաղձ, թույն, վատատեսություն և բամբասանք»՝ առանց ապագային ուղղված քննարկումների։

Դավոյանը պնդել է, որ ընդդիմությունը գործում է իշխանության օրակարգի շրջանակում։
«Դուք վազում եք «Քաղաքացիական պայմանագիր» կուսակցության և Նիկոլ Փաշինյանի օրակարգի հետևից։ Դուք սպասարկում եք մեր օրակարգը, դուք մեր օրակարգի սպասարկող քաղաքական ստրուկներն եք։ Դուք չունեք միտք, չունեք տեսլական, չունեք ապագա, ոչ մի բան ասելիք չունեք»,- ասել է նա։

Պատգամավորը նաև անդրադարձել է վարչապետի ուղիղ եթերներին՝ նշելով, որ ընդդիմության քաղաքական ակտիվությունը կախված է դրանցից։ «Ձեր քաղաքական օրակարգը կախված է Նիկոլ Փաշինյանի լայվերից։ Լայվից լայվ ձեր կենսունակությունն է։ Մի բան գտնեք այդ լայվի հետ կապված, խոսեք, քննարկեք, սպասեք հաջորդ լայվին»,- ընդգծել է Դավոյանը։

Նրա գնահատմամբ՝ ընդդիմության գործունեությունը ազդեցություն չունի քաղաքացիների վրա։ «Մենք երբ շրջում ենք Հայաստանի Հանրապետությունում, որևէ մեկը ձեր մասին չի հիշեցնում, որևէ մեկը ձեր այս հինգ տարվա ընթացքում ասած թեզերից որևէ մեկը չի մեջբերում։ Դուք որևէ ազդեցություն չունեք քաղաքացիների մտքի և երազանքների վրա»,- նշել է պատգամավորը։

Մանրամասները՝ տեսանյութում։