10.06.2026 | 12:54
Քվեատուփից ծրարը հանվում է երեք անձի մասնակցությամբ․ ի՞նչ է սահմանում Ընտրական օրենսգիրքը
«Ժամանակն է նստել բանակցությունների սեղանի շուրջ». Եվրահանձնաժողովի ղեկավար
Քաղաքականություն
24.03.2026 | 19:22
Եվրոպական հանձնաժողովի ղեկավար Ուրսուլա ֆոն դեր Լեյենը կոչ է արել անհապաղ բանակցություններ սկսել Իրանի պատերազմը դադարեցնելու համար՝ համաշխարհային էներգամատակարարման համար ստեղծված «կրիտիկական իրավիճակի» պայմաններում, գրում է DW-ն։
«Մենք կարծում ենք, որ ժամանակն է նստել բանակցությունների սեղանի շուրջ և դադարեցնել ռազմական գործողությունները։ Իրավիճակը կրիտիկական է ամբողջ աշխարհում էներգամատակարարման համար։ Մենք բոլորս զգում ենք գազի և նավթի գների, մեր բիզնեսի և մեր հասարակությունների վրա դրա ազդեցությունը, բայց չափազանց կարևոր է, որ հասնենք բանակցային լուծման, որը վերջ կդնի Մերձավոր Արևելքում ռազմական գործողություններին»,- լրագրողներին ասել է ֆոն դեր Լեյենը։
ԵՀ ղեկավարը դատապարտել է Իրանի կողմից Հորմուզի նեղուցի «փաստացի փակումը»։ Միաժամանակ, նա ուղղակիորեն չի հիշատակել ԱՄՆ-ին կամ Իսրայելին ռազմական գործողությունները դադարեցնելու իր կոչում։ Ֆոն դեր Լեյենը ելույթ է ունեցել Ավստրալիայի վարչապետ Էնթոնի Ալբանեզեի հետ, երբ ԵՄ-ն և Ավստրալիան հայտարարել են ազատ առևտրի նոր համաձայնագրի մասին։
Վերջին տարիներին ԵՄ-ն առաջին անգամ չէ, որ դիտորդի դեր է խաղում Եվրոպայի համար լուրջ հետևանքներ ունեցող պատերազմի հետ կապված։
2015 թվականին ԵՄ-ն կարևոր դեր խաղաց Իրանի միջուկային համաձայնագրի կնքման գործում, որից ԱՄՆ նախագահ Դոնալդ Թրամփը դուրս եկավ իր առաջին պաշտոնավարման ընթացքում։
Թարգմանությունը՝ Էմմա Չոբանյանի
