02.07.2026 | 12:16
ՀՀ-ն կդառնա ԵՄ անդամության կարգավիճակ չունեցող առաջին երկիրը, որի նկատմամբ ԵՄ-ն կկիրառի այս գործիքը․ Փաշինյան․ ՏԵՍԱՆՅՈՒԹ
Իրաքյան Քուրդիստանն Իրանին մեղադրել է իր ուժերի դեմ մահացու հարձակման համար
Քաղաքականություն
24.03.2026 | 22:17
Իրաքի ինքնավար Քուրդիստանի շրջանը մեղադրել է Իրանին իր փեշմերգա զինված ուժերի դեմ հարձակում սկսելու մեջ՝ վեց մարտիկների մահից հետո, գրում է France 24-ը։
«Վեց իրանական բալիստիկ հրթիռներ են թիրախավորել նրանց երկու հարձակումների ժամանակ»,- ասվում է տարածաշրջանի զինված ուժերի հայտարարության մեջ՝ հավելմամբ, որ միջադեպի հետևանքով զոհվել է վեց մարդ, վիրավորվել՝ 30-ը։
Սա տարածաշրջանային անվտանգության ուժերի վրա առաջին մահացու հարձակումն է այն բանից հետո, երբ Իսրայելի և ԱՄՆ-ի կողմից Իրանի դեմ հարվածները հանգեցրին ներկայիս պատերազմին։
Հաղորդվում է նաև, որ Իրաքի արևմուտքում գրանցված հարվածի հետևանքով զոհվել է նախկին «Հաշդ ալ-Շաաբի» կիսառազմական կոալիցիայի մեկ հրամանատար և 14 մարտիկ։ Հայտարարության մեջ ասվում է, որ «Հաշդ ալ-Շաաբիի» (հայտնի որպես Popular Mobilisation Forces), մարտիկները սպանվել են «ամերիկյան դավաճանական հարձակման ժամանակ, որը թիրախավորել է գործողության շտաբը» արևմտյան Անբար նահանգում։
PMF-ն այժմ Իրաքի կանոնավոր բանակի մաս է կազմում, բայց ներառում է նաև որոշ իրանամետ խմբավորումներ։
Իրանական պատերազմի սկսվելուց ի վեր Թեհրանի կողմից աջակցվող զինված խմբավորումները հարձակումներ են սկսել Իրաքում գտնվող ամերիկյան բազաների վրա՝ առաջացնելով տարածաշրջանային ավելի լայն սրացման մտավախություններ։
Թարգմանությունը՝ Էմմա Չոբանյանի
