15.04.2026 | 23:15
Մրգաշենում սպանություն կատարած եղբայրները կալանավորվել են. ՔԿ
Ավել-պակասի համար կներեք․ Վլադիմիր Վարդանյանը՝ պատգամավորներին․ ՏԵՍԱՆՅՈՒԹ
Քաղաքականություն
24.03.2026 | 11:22
Ես արդեն յոթ տարի է՝ թե՛ յոթերորդ, թե՛ ութերորդ գումարման խորհրդարանում եմ, և մեզանից յուրաքանչյուրը գտնվում է երդման ներքո։ Այդ երդման տեքստում կա հստակ պահանջ՝ պահպանել Հայաստանի Հանրապետության Սահմանադրությունը։ ԱԺ լիագումար նիստում ՍԴ դատավոր ընտրելու հարցի քննարկման ժամանակ այս մասին ասաց դատավորի թեկնածու Վլադիմիր Վարդանյանը։
«Մենք, ցավոք, թերագնահատում ենք շատ դեպքերում երդման ինստիտուտը՝ վերաբերվելով դրան որպես ինչ-որ փոքրիկ ժեստի»,- հավելեց նա։
Վարդանյանի խոսքով՝ երդումն ունի խորքային իրավական նշանակություն, որովհետև երդման պահից սկսած անձը ստանձնում է պարտավորություններ, և անկախ իր քաղաքական դիրքորոշումից, քաղաքական մոտեցումներից, նախասիրություններից, վերաբերմունքից՝ պարտավոր է գործել երդմանը համապատասխան։
«Դու դառնում ես երդման, լավ իմաստով, գերին, և դու երդումից չես կարող ազատել ինքդ քեզ»,- նշեց նա։
Վարդանյանը թե՛ ընդդիմադիր, թե՛ իշխանական պատգամավորներին շնորհակալություն հայտնեց, «ավելի-պակասի համար էլ ներողություն խնդրեց»։
Մանրամասները՝ տեսանյութում։
