15.04.2026 | 23:15
Մրգաշենում սպանություն կատարած եղբայրները կալանավորվել են. ՔԿ
ԱԺ-ն քննարկում է ՍԴ դատավորի ընտրության հարցը
Քաղաքականություն
24.03.2026 | 10:42
Ազգային ժողովը քննարկում է Սահմանադրական դատարանի դատավորի ընտրության հարցը։ Նախագահ Վահագն Խաչատուրյանն այդ պաշտոնում առաջադրել է Վլադիմիր Վարդանյանի թեկնածությունը:
2003-2006 թվականներին Վարդանյանը եղել է Սահմանադրական դատարանի աշխատակազմի իրավախորհրդատվական ծառայության գլխավոր մասնագետ, 2006-2013թթ.՝ նույն ծառայության միջազգային պայմանագրերի բաժնի վարիչ, 2013-2016թթ.՝ նույն ծառայության պետ, իսկ 2016-2018թթ.՝ ՍԴ խորհրդական:
2005 թվականից Վլադիմիր Վարդանյանը ԵՊՀ դասախոս է։ 2007-2015թթ. եղել է Հայ-ռուսական (սլավոնական) համալսարանի դասախոս, 2014-2015թթ.՝ Հայ-ռուսական (սլավոնական) համալսարանի միջազգային եւ եվրոպական իրավունքի ամբիոնի վարիչ, 2016-2019թ.՝ «Սահմանադրական մշակույթ» միջազգային վերլուծական կենտրոնի գործադիր տնօրեն: 2018-2019թթ.՝ ՀՀ Սահմանադրական դատարանի աշխատակազմի ղեկավար:
2015 թվականից Իրավաբանների համահայկական խորհրդաժողովի խորհրդին առընթեր «Հայոց ցեղասպանության իրավական հարցերի» գիտավերլուծական կենտրոնի համակարգողն է, 2018 թվականից՝ Հայոց ցեղասպանության թանգարան ինստիտուտի հոգաբարձուների խորհրդի անդամ:
