26.10.2026 | 17:55
Ալեն Սիմոնյանն ու ԵՀ ներկայացուցիչը քննարկել են Հայաստանի տնտեսական դիվերսիֆիկացման հարցերը
Սազակա՞ն ա՝ Ծառուկյանն ինչ-որ մանր ու թեթև բաների մեջ մտնի․ ԲՀԿ ղեկավարը՝ Փաշինյանի «չելենջների» մասին․ ՏԵՍԱՆՅՈՒԹ
Քաղաքականություն
23.03.2026 | 17:44
Մենք ուժեղ ենք ոչ թե ասելով, մենք ուժեղ ենք մեր արած գործերով։ Հակակոռուպցիոն դատարանի բակում լրագրողների հետ զրույցում այս մասին հայտարարեց «Բարգավաճ Հայաստան» կուսակցության ղեկավար Գագիկ Ծառուկյանը՝ անդրադառնալով իր, Սամվել Կարապետյանի և Ռոբերտ Քոչարյանի վերաբերյալ Նիկոլ Փաշինյանի հրապարակած տեսանյութերին և ծաղրին։
«Մենք այս երկրում ապրում ենք, այսօր մեր երկրի առաջ այնքան խնդիրներ են ծառացել, որ ցանկացած մարդու համար, տեսնելով, որ մարդն ընտանիք ունի, երեխա ունի, ծնողներ ունի, այս պարտված, խայտառակված, խեղճացած վիճակում ժողովուրդը պարտքի տակ, վարկերի տակ, 2 միլիոն 450 հազար վարկառու ունենք։ Պետք է դրա մասին մտածել։ Հիմա սազակա՞ն է Ծառուկյանին՝ ինչ-որ մանր-մունր, թեթև բաներով զբաղվի»,- նշեց նա։
Գագիկ Ծառուկյանն անդրադարձավ նաև իշխանության այն պնդումներին, որ եթե սահմանադրական մեծամասնություն չկազմեն, ապա պատերազմ է լինելու սեպտեմբերին։ Նա նշեց, որ այսօր ուժերից և ոչ մեկը պատերազմ չի ուզում։
«Բարձունքների վրա ադրբեջանցիները նստած, թելադրանքով՝ այս պետք է տաք, այն պետք է կատարեք, մեր զորքերը քչանան, մենք զենք չառնենք, իրենք ուժեղանան։ Այդտեղ խաղաղություն չկա, դա թելադրանք է»,- հայտարարել է նա։
Մանրամասները՝ տեսանյութում։
