09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ԵՄ-ն սահմանափակել է Հունգարիայի մուտքը փակ քննարկումներին՝ ՌԴ-ին տեղեկատվական արտահոսքի պատճառով. Politico
Քաղաքականություն
23.03.2026 | 21:15
Եվրամիությունը սահմանափակում է Հունգարիայի մասնակցությունը զգայուն քննարկումներին և կրճատում նրա կողմից տրամադրվող գաղտնի տեղեկատվության քանակը։ Այս մասին հաղորդում է Politico-ն՝ հղում անելով եվրոպացի դիվանագետներին, գրում է The Insider-ը։
Աղբյուրների խոսքով՝ սա բխում է մտավախություններից, որ Բուդապեշտը կարող է տեղեկատվությամբ կիսվել Մոսկվայի հետ։ Արդյունքում, ԵՄ առաջնորդներն ավելի ու ավելի հաճախ են բանակցություններ վարում նեղ ձևաչափով՝ առանց Հունգարիայի մասնակցության։
Լեհաստանի վարչապետ Դոնալդ Տուսկը հայտարարել է, որ նման կասկածներ վաղուց գոյություն ունեն։
«Այն լուրը, որ Օրբանի մարդիկ տեղեկացնում են Մոսկվային ԵՄ խորհրդի նիստերի մասին, չպետք է ոչ մեկին զարմացնի», – նշել է նա։
The Washington Post-ը նախկինում հաղորդել էր, որ Հունգարիայի արտաքին գործերի նախարար Պետեր Սիյարտոն, հնարավոր է, տեղեկատվություն է փոխանցել ռուսական կողմին բանակցությունների ընդմիջման ժամանակ։ Սիյարտոն հերքել է մեղադրանքները՝ դրանք անվանելով «դավադրության տեսություններ»։
Աղբյուրների համաձայն՝ ԵՄ-ն դեռևս պաշտոնական գործողություններ չի ձեռնարկում Հունգարիայի դեմ, որպեսզի չխառնվի ապրիլի 12-ին նախատեսված երկրի ընտրություններին: Հունգարիայի իշխանությունները նույնպես հերքում են մեղադրանքները: ԵՄ հարցերով նախարար Յանոշ Բոկան հաղորդագրությունները որակել է «կեղծ լուրեր» և նախընտրական քարոզարշավի ընթացքում ճնշում գործադրելու փորձ:
Թարգմանությունը՝ Էմմա Չոբանյանի
