26.10.2026 | 14:52
Ադրբեջանի և Հայաստանի միջև կայուն խաղաղության հաստատումը տնտեսական նոր հնարավորություններ կբացի․ Նիդերլանդների ԱԳ նախարար
Իրանից հերքում են ԱՄՆ-ի հետ բանակցությունների մասին Թրամփի հայտարարությունը
Քաղաքականություն
23.03.2026 | 17:01
Իրանի Fars գործակալությունը, հղում անելով սեփական աղբյուրին, հայտնել է, որ Միացյալ Նահանգների հետ ուղղակի կամ անուղղակի շփումներ չկան, չնայած ԱՄՆ նախագահ Դոնալդ Թրամփի՝ Թեհրանի հետ «արդյունավետ» բանակցությունների մասին արված հայտարարությանը, գրում է France 24-ը։
Fars-ը նաև հայտնել է, որ Թրամփը հրաժարվել է իրանական էլեկտրակայանները թիրախավորելուց, այն բանից հետո, երբ Իրանը զգուշացրել է, որ ի պատասխան՝ կհարվածի Արևմտյան Ասիայի էլեկտրակայաններին։
Իրանականի Tasnim գործակալությունն էլ, հղում անելով իրանցի պաշտոնյային, հայտնել է, որ Հորմուզի նեղուցը չի վերադառնա նախապատերազմյան վիճակին, և էներգետիկ շուկաները կմնան անկայուն, հավելելով, որ ԱՄՆ-ի հետ որևէ բանակցություններ չեն ընթանում։ Ըստ աղբյուրի՝ ԱՄՆ նախագահ Դոնալդ Թրամփը հրաժարվել է Իրանի կարևորագույն ենթակառուցվածքներին հարվածելուց ֆինանսական շուկայի ճնշման պայմաններում՝ զգուշացնելով, որ Թեհրանը կշարունակի պաշտպանվել՝ մինչև զսպման հասնելը։
Թարգմանությունը՝ Էմմա Չոբանյանի
