02.07.2026 | 14:34
770 դրամ ելակի, 275 դրամ լոլիկի և 400 դրամ չերի լոլիկի յուրաքանչյուր կգ-ի արտահանման համար
Իրանը հրթիռի վրա փակցրել է պատերազմին դեմ հանդես եկող Իսպանիայի վարչապետի լուսանկարը
Քաղաքականություն
23.03.2026 | 19:42
Իրանն իր հրթիռներից մեկի վրա տեղադրել է Իսպանիայի վարչապետ Պեդրո Սանչեսի լուսանկարը, որը չի աջակցում Իրանի դեմ պատերազմին։ Այս մասին հայտնում է իրանական Tasnim լրատվական գործակալությունը, որը հրապարակել է նաև լուսանկարը։
«Իհարկե, այս պատերազմը ոչ միայն անօրինական է, այլև անմարդկային։ Շնորհակալություն, պարո՛ն վարչապետ»,- գրված էր հրթիռի վրա երկու լեզվով՝ անգլերեն և պարսկերեն։
Tasnim-ի հրապարակած լուսանկարներից մեկում էլ հրթիռ է, որի վրա պատկերված է Իրանում աղջիկների դպրոցի վրա հարձակումից հետո Մեծ Բրիտանիայի մայրաքաղաքում տեղի ունեցած բողոքի ցույցի լուսանկար՝ հետևյալ գրությամբ. «Շնորհակալություն, ովքեր Լոնդոնում կարեկցանք հայտնեցին Թրամփի ռազմական հանցագործությունների հետևանքների համար»։
Մեկ այլ լուսանկարում էլ հրթիռի վրա մակագրված է՝ «Հրթիռներ, որոնք շուտով կարձակվեն օկուպացված տարածքների վրա»։
Մարտի սկզբին Իսպանիան հրաժարվեց թույլ տալ Միացյալ Նահանգներին՝ օգտագործել երկրի տարածքում իր բազաները Իրանի դեմ հարվածների համար: Ի պատասխան՝ ԱՄՆ նախագահ Դոնալդ Թրամփը սպառնաց խզել առևտրային կապերն Իսպանիայի հետ:
Թարգմանությունը՝ Էմմա Չոբանյանի
