26.10.2026 | 16:50
Հաջիևը հայտարարել է, թե Հայաստանն ու հայ հասարակությունը «պետք է ներողություն խնդրեն ադրբեջանցիներից»
«Անպատկառություն է»․ Միրզոյանը՝ ՔՊ-ին արցախցիների նկատմամբ ատելության քարոզի մեջ մեղադրելու մասին․ ՏԵՍԱՆՅՈՒԹ
Քաղաքականություն
23.03.2026 | 12:49
«Ասում եք՝ 2020-ի նոյեմբերի 9-ն աղետ էր, մի սարսափելի բան տեղի ունեցավ Հայաստանում, հիշեցնեմ՝ դա զինադադարի հայտարարություն էր»,- ԱԺ արտաքին հարաբերությունների մշտական հանձնաժողովի նիստին այս մասին ասաց ԱԳ նախարար Արարատ Միրզոյանը՝ արձագանքելով ընդդիմադիր պատգամավոր Քրիստինե Վարդանյանին։
«Ես այդպես էլ չհասկացա, այս քաղաքական ուժը, որ հիմա մեզ հետ այս սեղանի շուրջ նստած է, նոյեմբերի 9-ի փաստաթուղթը կստորագրե՞ր, թե՞ չէ։ Եթե դա աղետ էր, հետո ինչի՞ էիք այդպես կպած պաշտպանում, որ այդ թղթի մեջ գրված բաները կուրությամբ և անպայմանորեն մենք անեինք, որ ձեր ասած երաշխավորն անպայման երաշխավորելու գործիքներ ունենա։ Դուք աղետ եք անվանում, հետո էլ ասում եք՝ անենք»,- ասաց Միրզոյանը։
Նա անդրադարձավ նաև Ադրբեջանի նախագահի պահանջով Սահմանադրությունը փոխելու դիտարկումներին։
«Ինձ մոտ տպավորություն է, որ դուք եք ամբողջ օրը քնում, զարթնում, շնչում, հաց ուտում, արտաշնչում Ալիևի մասին, Ալիևի պահանջով կամ ի որևէ հարաբերակցություն Ալիևի։ Մեզ համար, ինչով մենք ենք առաջնորդվում, քնում, զարթնում և գործում, Հայաստանի Հանրապետության շահն է»,- վստահեցրեց Միրզոյանը։
Մանրամասները՝ տեսանյութում։
