20.05.2026 | 23:00
Իսրայելը քննարկում է Ստամբուլում հյուպատոսության փակման հարցը՝ Թուրքիայի հետ լարված հարաբերությունների ֆոնին
Անհայտ անձինք Լոնդոնում հրկիզել են հրեական կազմակերպությանը պատկանող շտապօգնության չորս մեքենաները
Քաղաքականություն
23.03.2026 | 13:10
Լոնդոնում անհայտ անձինք հրկիզել են չորս շտապօգնության մեքենաներ, որոնք պատկանում էին «Հացալա» հրեական ոչ առևտրային կազմակերպությանը։ Այն տրամադրում է անվճար շտապ բժշկական օգնություն, հաղորդում է BBC-ն։ Դեպքը տեղի է ունեցել ժամը 1:40-ի սահմաններում՝ Գոլդերս Գրին շրջանում: Հրկիզումից հետո մեքենաների մեջ մի քանի գազաբալոններ են պայթել՝ վնասելով մոտակա բնակելի շենքի պատուհանները, գրում է Current time-ը։
Շրջանի ոստիկանապետ Սառա Ջեքսոնը հայտարարել է, որ ուսումնասիրում են տեսախցիկների տեսագրությունները։ Կասկածներ կան, որ հրկիզման միջադեպում ներգրավված է եղել երեք մարդ։ Ոստիկանությունը հրկիզումը դիտարկում է որպես «հակասեմական ատելության վրա հիմնված հանցագործություն»։
Տեղի բնակիչներից Շիմոն Ռեյդը հայտնել է, որ շտապօգնության մեքենաները սինագոգի մոտ են եղել։
«Դա շատ ցնցող է, բայց ոչ անսպասելի։ Հրեական համայնքը խորապես գիտակցում է այն վտանգը, որի մեջ մենք ապրում ենք»,- ասել է նա։
Ոստիկանները շարունակում են մնալ դեպքի վայրում՝ անհապաղ հետաքննություն անցկացնելու համար: Գոլդերս Գրինի տարածքում տեղակայվել են նաև լրացուցիչ պարեկային խմբեր: Հարակից տների բնակիչները տարհանվել են:
Թարգմանությունը՝ Էմմա Չոբանյանի
