06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Նյու Յորքի «Լա Գուարդիա» օդանավակայանում ինքնաթիռը բախվել է հրշեջ մեքենայի
Քաղաքականություն
23.03.2026 | 11:04
Air Canada Express ավիաընկերության ինքնաթիռը կիրակի ուշ երեկոյան Նյու Յորքի «Լա Գուարդիա» օդանավակայանի թռիչքուղու վրա բախվել է օդանավակայանը սպասարկող հրշեջ մեքենային, հայտնում է CBS News-ը։ Օդանավակայանը ժամանակավորապես փակվել է բոլոր չվերթների համար, գրում է Meduza-ն:
Ամերիկյան The Mirror-ը հաղորդում է, որ բախման հետևանքով վիրավորվել է 60 մարդ։ Նշվում է, որ ինքնաթիռը բախվել է հրշեջ մեքենայի, իսկ վիրավորներից չորսը հրշեջներ են։
CNN-ի հաղորդմամբ՝ մարտի 22-ի երեկոյան «Լա Գուարդիա» օդանավակայանի իշխանությունները նախազգուշացում են տվել անձրևի և մառախուղի մասին, որոնք կարող են ազդել թռիչքների ժամանակացույցի վրա։
«Լա Գուարդիա»-ն ուղևորափոխադրումների առումով ԱՄՆ ամենածանրաբեռնված օդանավակայաններից է։
2009 թվականին «Լա Գուարդիա»-ից թռչող ինքնաթիռը բախվել էր թռչունների երամի, ինչի հետևանքով երկու շարժիչներն էլ խափանվել էին։ Օդաչու Չեսլի Սալենբերգերին հաջողվել էր ինքնաթիռն իջեցնել ջրի վրա։ Անձնակազմից կամ ուղևորներից ոչ ոք չէր տուժել։ Այս միջադեպը հայտնի է որպես «Հուդզոնի հրաշք»։
Թարգմանությունը՝ Էմմա Չոբանյանի
