06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Իսրայելի բանակի հարձակումից հետո Թեհրանում առավոտյան պայթյուններ են որոտացել
Քաղաքականություն
23.03.2026 | 10:28
Իրանական լրատվամիջոցները երկուշաբթի վաղ առավոտյան հաղորդել են մայրաքաղաք Թեհրանում պայթյունների մասին, Fars-ը հայտնել է, որ ավիահարվածներ են գրանցվել մի քանի վայրերում, գրում է France 24-ը։
Fars-ը հաղորդել է, որ «օդային հարվածները թիրախավորել են Թեհրանի որոշ շրջաններ»՝ նշելով հինգ շրջան, և որ «հաղորդվել են պայթյունների սարսափելի ձայների մասին»։
Ավիահարվածներից առաջ Իսրայելի զինված ուժերը հայտարարել էին, որ երկուշաբթի վաղ առավոտյան Իրանի մայրաքաղաքի վրա հարվածների «լայնածավալ ալիք» է սկսվել։
Բացի այդ, հաղորդվում է, որ երկուշաբթի Իրանի հարավում գտնվող հեռարձակման կայանին հարվածի հետևանքով զոհվել է առնվազն մեկ մարդ։
«Պարսից ծոցի ռադիոհեռուստատեսային կենտրոնի՝ Persian Gulf Radio and Television Centre-ի հաղորդիչը հարձակման է ենթարկվել ամերիկա-սիոնիստական ահաբեկչական բանակի կողմից»,- հաղորդել է Իրանի պետական հեռարձակողը։
Նշվում է, որ «այս հարձակման ժամանակ, որը հակասում էր միջազգային օրենքներին, կենտրոնի անվտանգության աշխատակիցներից մեկը մահացել է, ևս մեկ անձ՝ վիրավորվել»։
Թարգմանությունը՝ Էմմա Չոբանյանի
