22.04.2026 | 23:30
ՀՀ տարածքում ավտոճանապարհները հիմնականում անցանելի են
Քննարկում ենք աստիճանաբար դադարեցնել Իրանի դեմ մեր ռազմական գործողությունները. Թրամփ
Քաղաքականություն
21.03.2026 | 12:34
Մենք շատ մոտ ենք մեր նպատակներին հասնելուն, քանի որ մտածում ենք Մերձավոր Արևելքում Իրանի ահաբեկչական ռեժիմի դեմ մեր մեծ ռազմական ջանքերը աստիճանաբար դադարեցնելու մասին. truthsocial-ում գրել է ԱՄՆ նախագահ Դոնալդ Թրամփը՝ նշելով նպատակները։
«1) Ամբողջությամբ թուլացնել Իրանի հրթիռային կարողությունները, արձակման կայանքները և դրանց հետ կապված ամեն ինչ,
2) ոչնչացնել Իրանի պաշտպանական արդյունաբերական բազան,
3) վերացնել նրանց ռազմածովային և ռազմաօդային ուժերը, ներառյալ հակաօդային պաշտպանության միջոցները,
4) երբեք թույլ չտալ, որ Իրանը նույնիսկ մոտենա միջուկային կարողությանը, և մշտապես գտնվել այնպիսի դիրքում, որ ԱՄՆ-ն կարողանա արագ և հզոր արձագանքել նման իրավիճակին, եթե այն առաջանա,
5) բարձր մակարդակով պաշտպանել մեր մերձավորարևելյան դաշնակիցներին, այդ թվում՝ Իսրայելին, Սաուդյան Արաբիային, Կատարին, Արաբական Միացյալ Էմիրություններին, Բահրեյնին, Քուվեյթին և այլոց։
Հորմուզի նեղուցը պետք է, անհրաժեշտության դեպքում, հսկվի և վերահսկվի այն օգտագործող մյուս երկրների կողմից․ Միացյալ Նահանգները այն չի օգտագործում։ Եթե դիմեն, մենք կօգնենք այդ երկրներին Հորմուզի հարցում, սակայն դա անհրաժեշտ չպետք է լինի, երբ Իրանի սպառնալիքը վերացվի։
Կարևոր է նշել, որ դա նրանց համար կլինի հեշտ ռազմական գործողություն»,- գրել է Թրամփը։
