27.10.2026 | 00:08
Վարդան Մինասյանն աշխատանքի է անցել Լիբանանում
Կիևը Մերձավոր Արևելք ռազմական խմբեր է ուղարկել՝ ԱԹՍ-ներ որսալու համար
Քաղաքականություն
20.03.2026 | 23:39
Ուկրաինան ռազմական խմբեր է ուղարկել Մերձավոր Արևելքի մի քանի երկրներ՝ անօդաչու թռչող սարքերը որսալուն աջակցելու համար, ասել է երկրի Անվտանգության և պաշտպանության խորհրդի քարտուղար Ռուստեմ Ումերովը, գրում է DW-ն։
X-ում գրառման մեջ նա նշել է, որ այցելել է Արաբական Միացյալ Էմիրություններ, Սաուդյան Արաբիա, Կատար և Քուվեյթ՝ Պարսից ծոցում, ինչպես նաև Հորդանան, և որ Կիևը ստորաբաժանումներ է տեղակայել այդ երկրներում։
«Ուկրաինացի ռազմական մասնագետները գործում են այս երկրներից յուրաքանչյուրում՝ Ազգային անվտանգության և պաշտպանության խորհրդի համակարգմամբ»,- ասել է նա։
Նշվում է, որ «քաղաքացիական և կարևորագույն ենթակառուցվածքները պաշտպանելու համար տեղակայվել են ԱԹՍ-ների որսման ստորաբաժանումներ»։ Աշխատանքներ են տարվում նաև ծածկույթի գոտիներն ընդլայնելու ուղղությամբ։
Ուկրաինայի զինված ուժերն իրանական «Շահեդ» կամիկաձե անօդաչու թռչող սարքերը խոցելու փորձ ունեն, քանի որ դրանք օգտագործվում են Ռուսաստանի կողմից հարևան երկրի ներխուժումից ի վեր՝ 2022 թվականի փետրվարից։
Թեհրանը թիրախավորել է Պարսից ծոցի երկրներում գտնվող օբյեկտները՝ ի պատասխան ԱՄՆ-ի և Իսրայելի կողմից Իրանում ռազմական արշավի։
Թարգմանությունը՝ Էմմա Չոբանյանի
