ՔՆՆԱՐԿՈւՄ․ Պատերազմը սաստկանում է, սպանված են Իրանի բարձրաստիճան ղեկավարներ․ ԱՄՆ-ն կբացի՞ Հորմուզի նեղուցը․ ՏԵՍԱՆՅՈՒԹ

Պատերազմի 21-րդ օրը ԱՄՆ-ի և Իսրայելի հարվածներից սպանվել է Իրանի Իսլամական հեղափոխության պահապանների կորպուսի խոսնակ գեներալ Ալի Մոհամմադ Նաինին: Իրանն արդեն կորցրել է երկրի ռազմական, քաղաքական, հոգևոր առանցքային ղեկավարներին՝ հոգևոր առաջնորդին, հետախուզության նախարարին, ազգային անվտանգության խորհրդի քարտուղարին, հոգևոր առաջնորդի խորհրդականին, պաշտպանության խորհրդի քարտուղարին, պաշտպանության նախարարին և գլխավոր շտաբի պետին, Իսլամական հեղափոխության պահապանների կորպուսի և «Բասիջ» ուժերի հրամանատար բարձրագույն հրամանատարներին և այլն։ Իրավապաշտպանների տվյալներով՝ Իրանում զոհերի թիվը հասել է 3186-ի:

ԱՄՆ նախագահ Դոնալդ Թրամփը ակնարկել է, որ մտադիր չէ ամերիկյան զորքեր ուղարկել Մերձավոր Արևելք: Իսկ ԱՄՆ ՊՆ Փիթ Հեքսեթի գնահատմամբ՝ ԱՄՆ-ն և Իսրայելը վճռական հաղթանակ են տանում Իրանի դեմ պատերազմում։ Իրանը շարունակել է հարվածները Իսրայելին, Պարսից ծոցի երկրների էներգետիկ ենթակառուցվածքներին Սաուդյան Արաբիայում, Քուվեյթում, Բահրեյնում, ԱՄԷ-ում: Հորմուզի նեղուցի շրջափակման և Մերձավոր Արևելքի էներգետիկ օբյեկտների վրա նոր հարձակումների ֆոնին նավթի գները կրկին բարձրացել են։ 

Factor TV-ում մերձավորարևելյան պատերազմի թեմայով քննարկմանը մասնակցում են Արմեն Պետրոսյանը՝  Տարածաշրջանային հարցերով փորձագետ, արևելագետ, Գեորգի Միրզաբեկյանը՝ Արևելագետ, պատմական գիտությունների թեկնածու, Արմեն Վարդանյանը՝ իրանագետ, Արա Պապյանը՝ ԱԺԲ խորհրդի անդամ, դիվանագետ, Դիաննա Կարապետյանը՝ Ադրբեջանի հարցերով վերլուծաբան։ 

Հաղորդումն ամբողջությամբ՝ տեսանյութում։

Ռոբերտ Անանյան