06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
97 տարեկանում մահացել է Ուկրաինայի Ուղղափառ եկեղեցու պատվավոր պատրիարք Ֆիլարետը
Քաղաքականություն
20.03.2026 | 16:56
97 տարեկանում մահացել է Ուկրաինայի Ուղղափառ եկեղեցու պատվավոր պատրիարք Ֆիլարետ Միխայիլ Դենիսենկոն, հայտնել է Կիևի և Համայն Ուկրաինայի մետրոպոլիտ Եպիփանը։ Մահվան պատճառը քրոնիկ հիվանդությունների սրացման հետևանքներն են եղել։ Այլ մանրամասներ չեն հաղորդվում, գրում է The Insider-ը։
«Մենք միշտ կհիշենք Պատրիարք Ֆիլարետի հրահանգները Կիևի Աթոռի շուրջ ուկրաինական եկեղեցու միասնությունը պահպանելու կարևորության մասին: Մենք նաև հիշում և կատարում ենք նրա դասերն ու հրահանգները խորհրդի կարևորության, Աստծո կամքի և եկեղեցու ամբողջության կամքի առջև խոնարհության, Աստծուն, Քրիստոսի Եկեղեցուն և ուկրաինացի ժողովրդին նվիրված ծառայության մասին»,- գրել է մետրոպոլիտը:
Կիևի մետրոպոլիան շուտով կհայտարարի մահացածին պաշտոնական հրաժեշտ տալու մասին:
Ֆիլարետը Դենիսենկոն ծնվել է 1929 թվականին, Դոնեցկի մարզի Բլագովատնոյե գյուղում: Նա երկար ժամանակ ծառայել է Մոսկվայի պատրիարքարանում՝ որպես Ուկրաինայի փոխանորդ և Կիևի միտրոպոլիտ:
Անցյալ դարի վերջին հոգևորականը դարձել էր անկախ ուկրաինական եկեղեցու շարժման առաջնորդներից մեկը՝ լքելով Մոսկվայի պատրիարքարանը և գլխավորելով Ուկրաինայի ուղղափառ եկեղեցին։
Ռուս ուղղափառ եկեղեցին Ուկրաինայի ուղղափառ եկեղեցին համարում է պառակտիչ կառույց։ 2019 թվականին՝ Մոսկվայից անկախ Ուկրաինայի նոր ուղղափառ եկեղեցու ստեղծումից հետո, Ֆիլարետին շնորհվել էր պատվավոր պատրիարքի անվանական կարգավիճակ։
Թարգմանությունը՝ Էմմա Չոբանյանի
