20.03.2026 | 19:21
Նոր նշանակումներ Քննչական կոմիտեում
ԱՄՆ-ն արագացրել է Մերձավոր Արևելք զորքերի տեղափոխումը
Քաղաքականություն
20.03.2026 | 17:46
ԱՄՆ-ը որոշել է արագացնել Մերձավոր Արևելքում ևս մի քանի հազար ծովային հետևակի և նավաստիների տեղակայումը։ NBC News-ը, հղում անելով աղբյուրներին, հաղորդում է, որ առաջիկա օրերին Սան Դիեգոյից կմեկնի 11-րդ արշավախմբային ուժերի առնվազն 2200 ծովային հետևակ, գրում է Meduza-ն։
Հեռուստաալիքի աղբյուրների փոխանցմամբ՝ զորքերը կտեղակայվեն USS Boxer դեսանտային նավի վրա։ Կորպուսին, հավանաբար, կուղեկցի ևս մեկ կամ երկու նավ, ինչը, ըստ աղբյուրների, նշանակում է ևս մի քանի հազար ամերիկացի նավաստիների տեղակայում։
Reuters-ը, հղում անելով աղբյուրներին, մարտի 19-ին հաղորդել էր, որ Դոնալդ Թրամփի վարչակազմը քննարկում է Մերձավոր Արևելք հազարավոր ամերիկացի զինվորներ ուղարկելու հարցը՝ Իրանի դեմ պատերազմի նոր փուլին նախապատրաստվելու համար: Այդպիսի փուլերից մեկը նավթատարների անվտանգ անցման ապահովումն է Հորմուզի նեղուցով, որը հիմնականում կապահովվի օդային և ռազմածովային ուժերի կողմից։
Բացի այդ, Սպիտակ տունը քննարկում է Իրանի Խարգ կղզի ցամաքային ուժեր ուղարկելու հարցը, որը իրանական նավթի արտահանման կարևոր հանգույց է: Այնուամենայնիվ, Reuters-ի աղբյուրներից մեկը նման գործողությունը որակել է որպես ռիսկային, քանի որ Իրանն ունի կղզուն հրթիռներով և անօդաչու թռչող սարքերով հարվածելու հնարավորություն:
Թարգմանությունը՝ Էմմա Չոբանյանի
