06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Պարսից ծոցի երկրները հայտնել են Իրանի կողմից նոր հարվածների մասին
Քաղաքականություն
20.03.2026 | 12:02
Վերջին ժամերի ընթացքում Պարսից ծոցի մի շարք երկրներ, այդ թվում՝ Արաբական Միացյալ Էմիրությունները, Քուվեյթը, Սաուդյան Արաբիան և Բահրեյնը, հայտնել են հրթիռային և անօդաչու թռչող սարքերի հարձակումների մասին, գրում է BBC-ն։
ԱՄԷ-ի Պաշտպանության նախարարությունը հայտարարել է, որ արձագանքում է Իրանից եկող սպառնալիքներին և քաղաքացիներին տեղեկացրել, որ կարող են լսել ՀՕՊ համակարգերի՝ հարձակումները կասեցնելու ձայներ։
Քուվեյթը ևս զգուշացրել է իր ՀՕՊ համակարգի հետևանքով պայթյունների մասին և քաղաքացիներին խնդրել հետևել անվտանգության հրահանգներին։
Սաուդյան Արաբիայի պաշտպանության նախարարությունը հայտնել է երկրի արևելյան շրջանում ևս հինգ անօդաչու թռչող սարք որսալու և ոչնչացնելու մասին։
Բահրեյնում հնչել են օդային տագնապի ազդանշաններ։ Ներքին գործերի նախարարությունը կոչ է արել բնակիչներին անվտանգ վայրեր փնտրել։
Հարձակումը հետ մղելուց հետո պաշտոնյաները հայտարարել են, որ հարձակումն «իրանական ագրեսիայի» արդյունք է, և որ ընկնող բեկորները հրդեհ են առաջացրել պահեստում։
Բացի այդ, Քուվեյթի Մինա ալ-Ահմադի նավթավերամշակման գործարանում անօդաչու թռչող սարքերի հարձակումների հետևանքով մի քանի հրդեհ է առաջացել։ Զոհեր չկան, հայտնում են պետական լրատվամիջոցները՝ հղում անելով ազգային նավթային ընկերությանը։
«Մինա ալ-Ահմադիի նավթավերամշակման գործարանն այսօր վաղ առավոտյան ենթարկվել է մի քանի թշնամական անօդաչու թռչող սարքերի հարձակումների, որոնք հրդեհներ են առաջացրել դրա որոշ ստորաբաժանումներում»,- հայտնել է Քուվեյթի լրատվական գործակալությունը՝ հավելելով, որ «մի շարք ստորաբաժանումների աշխատանքը դադարեցվել է»։
Թարգմանությունը՝ Էմմա Չոբանյանի
