06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Իրանում զոհերի թիվը գերազանցել է 3100-ը. HRANA
Քաղաքականություն
20.03.2026 | 11:42
ԱՄՆ-ում գործող Մարդու իրավունքների լրատվական գործակալությունը (HRANA) հրապարակել է Իրանում զոհերի թարմացված թիվը, որը, ըստ կազմակերպության, հասել է 3186-ի՝ Իրանի դեմ փետրվարի 28-ին ԱՄՆ-ի և Իսրայելի սկսած պատերազմի սկզբից ի վեր, գրում է BBC-ի ռուսական ծառայությունը։
HRANA-ի փոխանցմամբ՝ զոհվածներից 1394-ը քաղաքացիական անձինք են, այդ թվում՝ առնվազն 210 երեխա։
Զոհերից 1153-ը դասակարգվել են որպես ռազմական զոհեր, 639-ի ճակատագիրն անհայտ է։
Հավելենք, որ Միացյալ Նահանգներն ու Իսրայելը փետրվարի 28-ին օդային հարվածներ սկսեցին Իրանի դեմ։ Այնուհետև Թեհրանը սկսեց հարձակվել Պարսից ծոցի տարածաշրջանի հարևան պետությունների և Իսրայելի վրա՝ օգտագործելով հրթիռներ և անօդաչու թռչող սարքեր։
Իրանի հայտարարմամբ՝ հարձակումների թիրախում են, ի թիվս այլ բաների, տարածաշրջանում գտնվող ամերիկյան ռազմական բազաները։
Թարգմանությունը՝ Էմմա Չոբանյանի
