29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Իրանը հայտնել է ամերիկյան F-35 կործանիչ խոցելու մասին
Քաղաքականություն
20.03.2026 | 09:53
ԱՄՆ ռազմաօդային ուժերի F-35 կործանիչ է խոցվել Իրանի հակաօդային պաշտպանության կողմից, հաղորդել են տեղական պետական լրատվամիջոցները՝ հղում անելով Իսլամական հեղափոխության պահապանների կորպուսի հայտարարությունը, գրում է DW-ի ռուսական ծառայությունը։
ԱՄՆ Կենտրոնական հրամանատարության (CENTCOM) ներկայացուցիչ Թիմ Հոքինսը հաստատել է, որ ինքնաթիռն արտակարգ վայրէջք է կատարել։
«Ինքնաթիռն անվտանգ վայրէջք է կատարել, օդաչուները կայուն վիճակում են» ,- նրա խոսքերն է մեջբերում CNN-ը։
Հոքինսը պարզաբանել է, որ կործանիչը վայրէջք է կատարել Իրանի դե առաքելությունն ավարտելուց հետո, սակայն չի նշել, թե ինչն է հանգեցրել դրան։
Մարտի սկզբին մի քանի ամերիկյան կործանիչներ էին կործանվել Քուվեյթի երկնքում։ ԱՄՆ զինված ուժերը հայտարարել էին, որ երկրի հակաօդային պաշտպանության կողմից սխալմամբ խոցվել են երեք F-15E ինքնաթիռներ։ CENTCOM-ը պարզաբանել էր, որ միջադեպից հետո անձնակազմի բոլոր վեց անդամները հաջողությամբ կատապուլտացվել են։
Ավելի ուշ The Washington Post-ը, վկայակոչելով միջադեպի նախնական զեկույցներին ծանոթ աղբյուրներին, գրել էր, որ Քուվեյթի կործանիչը, հնարավոր է, խոցել է ամերիկյան F-15E-ն։
Թարգմանությունը՝ Էմմա Չոբանյանի
