27.07.2026 | 22:14
Բաքվի դատարանը Toplum TV-ի լրագրողներին դատապարտել է 12-15 տարվա ազատազրկման
Թրամփը հայտարարել է, որ չի ծրագրում Մերձավոր Արևելք զորքեր ուղարկել
Քաղաքականություն
20.03.2026 | 09:29
ԱՄՆ-ը լրացուցիչ ռազմական կոնտինգենտ չի ուղարկի Մերձավոր Արևելք՝ Իրանի շուրջ Միացյալ Նահանգների և Իսրայելի միջև պատերազմի պատճառով, հայտարարել է ԱՄՆ նախագահ Դոնալդ Թրամփը Ճապոնիայի վարչապետ Սանաե Տակաիչիի՝ Սպիտակ տուն կատարած այցի ժամանակ լրագրողների հետ զրույցում, գրում է DW-ի ռուսական ծառայությունը։
«Ես ոչ մի տեղ զորքեր չեմ ուղարկի։ Եթե ես դա անեի, ձեզ հաստատ չէի ասի այդ մասին։ Բայց ես զորքեր չեմ ուղարկում։ Մենք կանենք անհրաժեշտ ամեն ինչ՝ իրավիճակը վերահսկողության տակ պահելու համար»,- լրագրողի հարցին ի պատասխան՝ ասել է Սպիտակ տան ղեկավարը։
Ավելի վաղ Reuters-ը, հղում անելով աղբյուրներին, հաղորդել էր, որ Դոնալդ Թրամփի վարչակազմը կարող է ընդլայնել Իրանի դեմ ռազմական գործողությունը՝ Մերձավոր Արևելքում տեղակայելով մի քանի հազար լրացուցիչ զորքեր։
Աղբյուրի փոխանցմամբ՝ Վաշինգտոնը քննարկում է պատերազմը շարունակելու տարբեր սցենարներ, այդ թվում՝ ցամաքային գործողություն սկսելը, ինչպես նաև Իրանի կողմից Հորմուզի նեղուցի ռազմական միջոցներով շրջափակման վերացման հարցը։
Իրանի դեմ ԱՄՆ-Իսրայել ռազմական գործողության շրջանակում Թեհրանը փաստացի փակել է Հորմուզի նեղուցով երթևեկությունը, որը նավթի և գազի մատակարարման կարևորագույն ուղի է, նաև հայտարարել դրա նկատմամբ «լիակատար վերահսկողության» մասին։ Սա հանգեցրել է էներգակիրների գների բարձրացման։
Թարգմանությունը՝ Էմմա Չոբանյանի
