17.08.2026 | 23:08
Զորականում և Ամասիայում շչակներ են փորձարկվելու
ԱՄՆ միջնորդությամբ Լուկաշենկոն ազատել է 250 քաղբանտարկյալների
Քաղաքականություն
19.03.2026 | 22:56
Բելառուսի ղեկավար Ալեքսանդր Լուկաշենկոն ազատել է 250 կալանավորի՝ ամերիկյան պատժամիջոցների հետագա մեղմացման դիմաց, հինգշաբթի՝ մարտի 19-ին հայտնել է Վիլնյուսում ԱՄՆ դեսպանատունը։ Ըստ հրապարակված տվյալների՝ 235 մարդ մնացել է Բելառուսում, իսկ մնացածը ուղարկվել են Լիտվա, փոխանցում է DW-ն։
Ազատումները բանակցային գործընթացի արդյունք են, որի շրջանակում Լուկաշենկոն ձգտում է կարգավորել հարաբերությունները Վաշինգտոնի հետ և հասնել պատժամիջոցների վերացման՝ փոխարենը թուլացնելով ռեպրեսիաները։ Քաղաքական կալանավորների նոր խմբի ազատման մասին հայտարարվել է Մինսկում Լուկաշենկոյի և ԱՄՆ նախագահի հատուկ ներկայացուցիչ Ջոն Քոուլի միջև բանակցություններից հետո։ Քոուլը ազատումը անվանել է «կարևոր մարդասիրական հանգրվան» և այն դիտարկել որպես Դոնալդ Թրամփի «ուղիղ, կոշտ դիվանագիտության» ապացույց։
Նախորդ անգամ՝ դեկտեմբերին, ամերիկացի պաշտոնյաները նույնպես հանդիպել էին Լուկաշենկոյի հետ․ այդ ժամանակ Վաշինգտոնը հայտարարել էր մի շարք պատժամիջոցների մեղմացման մասին, իսկ 123 կալանավորներ ազատվել և տեղափոխվել էին Ուկրաինա և Լիտվա։ Բելառուսական իրավապաշտպան «Վյասնա» կազմակերպության տվյալներով՝ մինչև մարտի 19-ի ազատումները երկրում կար ավելի քան 1100 քաղաքական բանտարկյալ։
