06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Կրեմլը հայտարարել է, որ ՌԴ-ի, Ուկրաինայի և ԱՄՆ-ի միջև եռակողմ բանակցություններում «դադար է»
Քաղաքականություն
19.03.2026 | 14:53
Ռուսաստանի և Ուկրաինայի միջև ԱՄՆ-ի միջնորդությամբ ընթացող բանակցություններում դադար է առաջացել, հայտարարել է ՌԴ նախագահի մամուլի քարտուղար Դմիտրի Պեսկովը։ Նրա խոսքերը մեջբերվում են «Իզվեստիա»-ին տված մեկնաբանության մեջ, գրում է Current time-ը։
«Եռակողմ խումբը դադարի մեջ է »,- ասել է Պեսկովը՝ հավելելով, որ տնտեսական հարցերով զբաղվող երկկողմ ռուս-ամերիկյան աշխատանքային խմբի շրջանակում աշխատանքները շարունակվում են։
Պեսկովը նաև նշել է, որ Մոսկվան շարունակում է կապ հաստատել Կիևի հետ՝ գերիների և մարմինների փոխանակման վերաբերյալ։
Ռուսաստանի, Ուկրաինայի և Միացյալ Նահանգների միջև եռակողմ բանակցությունների վերջին փուլը տեղի է ունեցել Ժնևում փետրվարի 17-18-ին: Կողմերը պետք է կրկին հանդիպեին մարտի սկզբին Աբու Դաբիում, սակայն խորհրդակցությունները, ի վերջո, հետաձգվել էին: Ուկրաինայի նախագահ Վլադիմիր Զելենսկին նշել է, որ հետաձգման որոշումը կայացվել է Միացյալ Նահանգների նախաձեռնությամբ՝ Իրանի դեմ փետրվարի 28-ին սկսված ԱՄՆ-Իսրայելական ռազմական գործողության պատճառով:
Այս շաբաթ Վլադիմիր Զելենսկին հայտարարել էր «վատ զգացողությունների» մասին բանակցությունների ճակատագրի վերաբերյալ։
Թարգմանությունը՝ Էմմա Չոբանյանի
