04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Վաշինգտոնում ռազմաբազայի վերևում, որտեղ բնակվում են պետքարտուղար Ռուբիոն և պաշտպանության նախարար Հեգսեթը, անհայտ ԱԹՍ-ներ են նկատվել. WP
Քաղաքականություն
19.03.2026 | 15:19
ԱՄՆ պաշտոնյաներն անհայտ անօդաչու թռչող սարքեր են նկատել Վաշինգտոնի Ֆորտ Մաքնեյր ռազմաբազայի վրա, որտեղ բնակվում են պետքարտուղար Մարկո Ռուբիոն և պաշտպանության նախարար Փիթ Հեգսեթը, գրում է The Washington Post-ը։ Թրամփի վարչակազմի պաշտոնյայի խոսքով՝ վերջին տասը օրվա ընթացքում բազայի վերևում մի քանի անօդաչու թռչող սարքեր են նկատվել։ Այս միջադեպը պաշտոնյաներին դրդել է քննարկել Ռուբիոյի և Հեգսեթի տեղափոխման հարցը, WP-ին հայտնել են երկու աղբյուրներ, գրում է Meduza-ն։
Պենտագոնի խոսնակ Շոն Փարնելը նշել է, որ գերատեսչությունը չի կարող մեկնաբանել Հեգսեթի տեղաշարժերը՝ անվտանգության նկատառումներից ելնելով, հավելելով, որ նման տեղեկատվության հրապարակումը կլինի «ծայրահեղ անպատասխանատու»։
Ֆորտ Մաքնեյր բազան գտնվում է Կապիտոլիումի և Սպիտակ տան մոտակայքում: Այնտեղ են գտնվում Ազգային պաշտպանության համալսարանը և Պենտագոնի բարձրաստիճան պաշտոնյաները: Ավանդաբար այն քաղաքական առաջնորդների տուն չի եղել, սակայն Թրամփի վարչակազմի պաշտոնյաները գնալով ավելի հաճախ են տեղափոխվում ռազմական բազաներ՝ վկայակոչելով անվտանգության հետ կապված մտահոգությունները, նշում է The Washington Post-ը:
Մարտի 18-ին ԱՄՆ Պետքարտուղարությունը պահանջել էր, որ ամբողջ աշխարհում ամերիկյան դիվանագիտական առաքելություններն «անհապաղ» անվտանգության գնահատումներ անցկացնեն։ Բացի այդ, ԱՄՆ-ում մի քանի բազաներ փակվեցին սպառնալիքների պատճառով, իսկ Նյու Ջերսիի Մաքգուայր-Դիքս-Լեյքհերսթի ռազմաօդային բազան և Ֆլորիդայի ՄաքԴիլ ռազմաօդային բազան բարձրացրել են անվտանգության մակարդակը մինչև «Չարլի», ինչը վկայում է հնարավոր հարձակման կամ դրա սպառնալիքի մասին:
Վտանգի ավելի բարձր՝ «Դելտա» մակարդակն օգտագործվում է, երբ հարձակումն արդեն տեղի է ունեցել կամ սպասվում է:
Թարգմանությունը՝ Էմմա Չոբանյանի
