17.08.2026 | 23:08
Զորականում և Ամասիայում շչակներ են փորձարկվելու
Քուվեյթում ԱԹՍ-ները հարվածել են նավթավերամշակման գործարաններին
Քաղաքականություն
19.03.2026 | 13:53
Քուվեյթը հայտարարել է, որ հինգշաբթի անօդաչու թռչող սարքի հարձակման հետևանքով հրդեհ է բռնկվել նավթով հարուստ երկրի երկրորդ նավթավերամշակման գործարանում, գրում է France 24 -ը։ Հրդեհը բռնկվել է Մինա Աբդուլլահի նավթավերամշակման գործարանում։
Մոտակա Մինա ալ-Ահմադիի նավթավերամշակման գործարանը նույնպես հրդեհվել էր անօդաչուի հարձակումից հետո։
Քուվեյթի նավթավերամշակման կորպորացիան հայտարարել է, որ Մինա ալ-Ահմադիի նավթավերամշակման գործարանի օպերատիվ ստորաբաժանումներից մեկն անօդաչու թռչող սարքի կողմից հարվածի է ենթարկվել, որի արդյունքում սահմանափակ հրդեհ է բռնկվել։
Նավթավերամշակման գործարանը Մերձավոր Արևելքոըմ ամենամեծերից է՝ օրական 730,000 բարել նավթի արտադրության հզորությամբ։
Տուժածների մասին տեղեկություններ չեն հաղոդվել։
Միջադեպը տեղի է ունենում չորեքշաբթի Իրանի Հարավային Պարս գազի հանքավայրի վրա Իսրայելի կողմից իրականացված օդային հարվածներից հետո, որն աշխարհի ամենամեծ բնական գազի հանքավայրերից է։ Ի պատասխան՝ Իրանը զգուշացրել էր, որ հակադարձ կարող է թիրախավորվել Պարսից ծոցի երկրների էներգետիկ օբյեկտները՝ որպես պոտենցիալ թիրախներ նշելով տարածաշրջանի մի քանի նավթագազային հանքավայրեր։
Թարգմանությունը՝ Էմմա Չոբանյանի
