27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
ՀԴԲ-ն հետաքննություն է սկսել Ջո Քենթի նկատմամբ՝ վարչակազմից հեռանալուց և Իրանի հետ պատերազմի քննադատությունից հետո
Քաղաքականություն
19.03.2026 | 16:30
ԱՄՆ Ազգային հակաահաբեկչական կենտրոնի նախկին տնօրեն Ջո Քենթը հետաքննվում է ՀԴԲ-ի կողմից, այս մասին CBS-ին հայտնել են մի քանի աղբյուրներ, գրում է BBC-ն։
Հետաքննությունը կապված է գաղտնի տեղեկատվության արտահոսքի հետ։ Ըստ CBS-ի աղբյուրների՝ այն սկսվել է շաբաթվա սկզբին՝ Իրանի պատերազմի պատճառով նրա հրաժարականից առաջ։
Այս տեղեկությունից մի քանի ժամ առաջ Քենթը հարցազրույց է տվել պահպանողական մեկնաբան Թաքեր Կառլսոնին, որը նույնպես հրապարակավ քննադատել է Իրանի հետ պատերազմը: Քենթը, մասնավորապես, ասել է, որ Իրանի գերագույն առաջնորդ այաթոլլահ Ալի Խամենեիի սպանությունը հանգեցրել է իրանական հասարակության միավորմանը ռեժիմի շուրջ:
«Նա վերահսկում էր նրանց միջուկային ծրագիրը, թույլ չէր տալիս նրանց ձեռք բերել միջուկային զենք։ Եթե նրան վերացնեն, եթե նրան ագրեսիվ կերպով սպանեն, մարդիկ կհամախմբվեն այս ռեժիմի և հաջորդ այաթոլլահի շուրջ, որը կգա, և ես կարծում եմ, որ դա է տեղի ունենում՝ հիմնվելով նրա որդու մասին մեր ունեցած տեղեկատվության վրա»,- բացատրել է Քենթը։
Սպանված այաթոլլահի որդին՝ Մուջթաբա Խամենեին, մարտի 8-ին ընտրվել է նոր գերագույն առաջնորդ։
Հրապարակման պահին ՀԴԲ-ն դեռևս չէր արձագանքել CBS-ի մեկնաբանության խնդրանքին:
Թարգմանությունը՝ Էմմա Չոբանյանի
