07.09.2026 | 13:21
ՔՀԿ-ի ատամնաբուժական կենտրոնի զուգարանում թմրանյութի նմանվող նյութեր են հայտնաբերվել
Բայրամովն ու Ֆիդանը տարածաշրջանում անվտանգության իրավիճակն ու վերջին զարգացումներն են քննարկել
Քաղաքականություն
19.03.2026 | 13:06
Ադրբեջանի արտաքին գործերի նախարար Ջեյհուն Բայրամովը Սաուդյան Արաբիա կատարած աշխատանքային այցի ընթացքում հանդիպել է իր թուրք գործընկեր Հաքան Ֆիդանի հետ։ Ադրբեջանի ԱԳՆ-ի հաղորդմամբ՝ հանդիպման ընթացքում կողմերը մտքեր են փոխանակել տարածաշրջանում անվտանգության իրավիճակի և վերջին զարգացումների վերաբերյալ։
Նրանք ընդգծել են տարածաշրջանային կայունության պահպանման, լարվածության սրման կանխարգելման, միջազգային իրավունքի նորմերի և սկզբունքների, այդ թվում՝ պետությունների ինքնիշխանության և տարածքային ամբողջականության պահպանման կարևորությունը։ Կողմերն ընդգծել են առկա մարտահրավերներին ի պատասխան՝ համատեղ և համակարգված ջանքերի կարևորությունը։
Հաղորդվում է, որ նախարարները նաև մտքեր են փոխանակել փոխադարձ հետաքրքրություն ներկայացնող այլ հարցերի շուրջ։
Թարգմանությունը՝ Էմմա Չոբանյանի
