06.06.2026 | 13:05
Հայտնի է Հայաստանի հավաքականի հայտացուցակը Ղազախստանի դեմ խաղում․ ԼՈՒՍԱՆԿԱՐ
Պենտագոնը Կոնգրեսից 200 միլիարդ դոլար է խնդրում Իրանի դեմ պատերազմի համար
Քաղաքականություն
19.03.2026 | 11:22
Պենտագոնը Սպիտակ տանը խնդրել է հաստատել Կոնգրեսին ուղղված Իրանի դեմ պատերազմը ֆինանսավորելու համար ավելի քան 200 միլիարդ դոլար տրամադրելու դիմումը, հաղորդում է The Washington Post-ը՝ հղում անելով վարչակազմի բարձրաստիճան պաշտոնյային, գրում է Meduza-ն։
Երեք աղբյուրների համաձայն՝ այս թիվը զգալիորեն գերազանցում է ռազմական արշավի վրա արդեն ծախսված գումարը։ Ակնկալվում է, որ գումարը կօգտագործվի Իրանի դեմ հարվածներում օգտագործվող հիմնական զենքերի արտադրությունը շտապ կերպով մեծացնելու համար։
Սպիտակ տան որոշ պաշտոնյաներ կարծում են, որ Պենտագոնի խնդրանքը հաստատվելու իրատեսական հնարավորություն չունի, WP-ին հայտնել է աղբյուրը։ Կոնգրեսի շատ դեմոկրատներ դեմ կլինեն նախաձեռնությանը։
Պարբերականի աղբյուրները նշում են, որ վերջին երկու շաբաթների ընթացքում Պենտագոնը ֆինանսավորման մի քանի տարբեր դիմումներ է ներկայացրել։ Դեռևս պարզ չէ, թե նախարարությունը վերջնական որքան գումար կխնդրի Կոնգրեսից։
Որոշ տեղեկությունների համաձայն՝ Իրանի պատերազմի արժեքը միայն առաջին շաբաթում գերազանցել է 11 միլիարդ դոլարը։ Financial Times-ը հաղորդել էր, որ Իրանի հետ պատերազմի սկսվելուց ի վեր Թրամփի վարչակազմը սպառել է տարիների համար անհրաժեշտ կարևորագույն զինամթերքը, մասնավորապես, հեռահար Tomahawk հրթիռները։
Թարգմանությունը՝ Էմմա Չոբանյանի
