18.03.2026 | 18:25
Ախուրյանցի կնոջ խափանման միջոցը փոխվել է տնային կալանքով․ նրան վերագրվում է Փաշինյանի հասցեին բռնության կոչ պարունակող գրառում
Ֆրանսիայում ՀՀ դեսպանը Սորբոն Նուվել համալսարանում ներկայացրել է Հայաստանի արտաքին քաղաքականության առաջնահերթությունները
Քաղաքականություն
18.03.2026 | 17:10
Ֆրանսիայում Հայաստանի Հանրապետության դեսպան Արման Խաչատրյանը Փարիզի Սորբոն Նուվել համալսարանում բանախոսությամբ է հանդես եկել մի շարք առաջատար ֆրանսիական բուհերի ուսանողների համար. այս մասին հաղորդագրություն է տարածել Ֆրանսիայում ՀՀ դեսպանությունը։
Դեսպանը ներկայացրել է Հայաստանի արտաքին քաղաքականության առաջնահերթությունները, խոսել հարևան երկրների և տարածաշրջանային խնդիրներ մասին, անդրադարձել օգոստոսի 8-ին Վաշինգտոնում Հայաստանի և Ադրբեջանի միջև ձեռք բերված համաձայնություններին ու Հարավային Կովկասում հաստատված խաղաղության ինստիտուցիոնալացման ուղղությամբ Հայաստանի կողմից գործադրվող ջանքերին։
Նշվում է, որ դեսպան Արման Խաչատրյանը նաև անդրադարձել է Հայաստանի և Ֆրանսիայի միջև պատմականորեն ձևավորված բարեկամական հարաբերություններին և ռազմավարական նշանակություն ունեցող ուղղություններով երկրների միջև համագործակցությանը։
Բանախոսության ավարտին դեսպանը պատասխանել է ուսանողների հարցերին։
