06.10.2026 | 12:37
TRIPP-ի զարգացմանը զուգահեռ սպասվում է Հայաստան–Թուրքիա սահմանի բացում․ Փաշինյան
Իրանում տղամարդը մահապատժի է ենթարկվել իսրայելական Մոսադի համար լրտեսության մեղադրանքով
Քաղաքականություն
18.03.2026 | 15:41
Իրանում մահապատժի է ենթարկվել մի տղամարդ՝ Իսրայելի Մոսադ հետախուզական գործակալության համար լրտեսելու մեղադրանքով, հայտնել է երկրի դատական համակարգը «Միզան» լրատվական գործակալության միջոցով։ Իրանը պնդում է, որ տղամարդը, որը, ըստ լուրերի, ձերբակալվել էր հունիսին Իսրայելի և Իրանի միջև տեղի ունեցած 12-օրյա պատերազմի ժամանակ, Իսրայելին «լուսանկարներ և տեղեկատվություն է տրամադրել զգայուն վայրերի մասին»։
Թեհրանն անցյալ տարվա հունիսին տեղի ունեցած պատերազմից ի վեր ձերբակալել է մի քանի անձանց, որոնք կասկածվում են Իսրայելի օգտին լրտեսության մեջ։ Չհաստատված հաղորդագրությունները վկայում են, որ մահապատժի է ենթարկվել ավելի քան 10 մարդ։
Իրանը վաղուց քննադատության է ենթարկվում իրավապաշտպան կազմակերպությունների կողմից հաճախակի մահապատիժների համար, որոնք, ըստ քննադատների, հաճախ օգտագործվում են որպես այլախոհությունը ճնշելու գործիք։
ՄԱԿ-ի տվյալներով՝ անցյալ տարի երկրում մահապատժի է ենթարկվել ավելի քան 1000 մարդ։
Թարգմանությունը՝ Էմմա Չոբանյանի
