06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Ոչ մի երկիր իրավունք չունի իր տարածքը տրամադրել այլ երկրների կողմից ագրեսիվ գործողությունների համար. Արաղչին՝ Բայրամովին
Քաղաքականություն
18.03.2026 | 11:46
Իրանի ԱԳ նախարար Աբբաս Արաղչին ադրբեջանցի գործընկեր Ջեյհուն Բայրամովի հետ hեռախոսազրույցում տարածաշրջանում վերջին զարգացումներն ու երկկողմ հարաբերություններն է քննարկել։ Իրանի ԱԳՆ-ի հաղորդմամբ՝ բացատրելով Միացյալ Նահանգների և Իսրայելի ռազմական ագրեսիայի վերաբերյալ Թեհրանի դիրքորոշումը՝ Արաղչին ընդգծել է, որ միջազգային իրավունքի համաձայն՝ ոչ մի երկիր իրավունք չունի իր տարածքն ու կառույցները տրամադրել այլ երկրների կողմից ագրեսիվ գործողություններ իրականացնելու համար։
Զգուշացնելով «սիոնիստական ռեժիմի և Միացյալ Նահանգների կողմից Իրանի այլ երկրների հետ հարաբերությունները խաթարելու նպատակով իրականացվող գործողությունների մասինվ՝ Աբբաս Արաղչին հայտարարել է. «Իրանի պաշտպանական միջոցառումներն ուղղված են միայն ագրեսորների, ինչպես նաև այն բազաների և օբյեկտների դեմ, որոնք օգտագործվում են Իրան ներխուժելու համար»։
Նշվում է, որ հեռախոսազրույցի ընթացքում քննարկվել են նաև մի շարք երկկողմ հարցեր, ընդգծվել է երկու երկրների միջև սերտ խորհրդակցությունների շարունակման կարևորությունը՝ ստեղծված իրավիճակում առկա ցանկացած թյուրըմբռնում լուծելու համար։
Ադրբեջանական կողմի հաղորդմամբ՝ Ջեյհուն Բայրամովն ընդգծել է Իրանի կողմից Նախիջևանի Ինքնավար Հանրապետության տարածքին անօդաչու թռչող սարքերի հարվածներից հետո հետաքննությունն ավարտելու կարևորությունը։
Ընդհանուր առմամբ, նշվել է ռազմական գործողությունների ընթացքում քաղաքացիական թիրախների վրա հարձակումներից խուսափելու, տարածաշրջանում ռազմական էսկալացիան հնարավորինս արագ դադարեցնելու և առկա դժվարությունները դիվանագիտական ճանապարհով լուծելու անհրաժեշտությունը։
Թարգմանությունը՝ Էմմա Չոբանյանի
