17.03.2026 | 22:59
Մահացել Է Վրաստանի պատրիարք Իլյա Երկրորդը
ՄԱԿ-ը հետաքննում է Իրանում աղջիկների դպրոցին ուղղված հարվածը
Քաղաքականություն
17.03.2026 | 21:58
ՄԱԿ-ի հանձնաժողովը հետաքննություն է սկսել Իրանի վրա ԱՄՆ-ի և Իսրայելի հարձակումների առաջին օրը տարրական դպրոցի վրա հարվածի հետ կապված, որի հետևանքով զոհվել է 168 մարդ, որոնցից շուրջ 110-ը՝ երեխաներ, գրում է BBC-ի ռուսական ծառայությունը։
«Մենք գտնվում ենք այս հետաքննության վաղ փուլում»,- Ժնևում կայացած մամուլի ասուլիսում ասել է Իրանում ՄԱԿ-ի փաստահավաք առաքելության անդամ Մաքս դյու Պլեսին՝ նշելով, որ կան հավաստի ապացույցներ, որոնք հաստատում են Իրանի կողմից հաղորդված զոհերի թիվը։
ԱՄՆ զինվորական քննիչները կարծում են, որ հավանական է՝ հարվածի համար պատասխանատու են ամերիկյան ուժերը, սակայն վերջնական եզրակացությունների դեռևս չեն հանգել, և հետաքննությունը շարունակվում է, հաղորդում է Reuters-ը մարտի 5-ին՝ հղում անելով աղբյուրներին։
Միացյալ Նահանգներն է պատասխանատու Իրանի տարրական դպրոցի վրա կատարված հարձակման համար, իր հերթին, հայտարարել է Amnesty International-ը նոր հետաքննության մեջ՝ կոչ անելով պատասխանատվության ենթարկել հարձակման համար։ Իրավապաշտպան խումբը հայտարարել է, որ դպրոցի վրա հարձակման ժամանակ, հավանաբար, օգտագործվել է ԱՄՆ-ում արտադրված Tomhawk հրթիռ։
Amnesty International-ը հայտարարել է, որ մահացու հարվածի պլանավորման և իրականացման համար պատասխանատու անձինք պետք է պատասխանատվության ենթարկվեն։
Թարգմանությունը՝ Էմմա Չոբանյանի
