21.05.2026 | 10:23
Հ1-ը կիբերհարձակման է ենթարկվել․ թիրախը եղել է ԵՔՀ-ի գագաթնաժողովը․ Հ1
Իսրայելը հայտնել է իրանական «Բասիջ»-ի ղեկավարին, նրա տեղակալին և այլ բարձրաստիճան պաշտոնյաների սպանելու մասին
Քաղաքականություն
17.03.2026 | 14:12
Իսրայելի բանակը հայտնում է, որ գիշերը Իրանում հարվածի հետևանքով սպանվել է «Բասիջ» ռազմականացված ուժերի հրամանատար Ղոլամռեզա Սոլեյմանին։ Նա թիրախավորվել է «Բասիջ»-ի կողմից վերջերս ստեղծված վրանային ճամբարում։ Իսրայելական կողմի տվյալներով՝ «Բասիջ»-ը ճամբար է հիմնել այն բանից հետո, երբ զինվորականները հարվածել են ռազմականացված ուժերի բազմաթիվ շտաբներին։
Միաժամանակ, Իսրայելի բանակը հայտնում է, որ հարվածի հետևանքով զոհվել են նաև «Բասիջ»-ի փոխհրամանատարը և ուժի այլ բարձրաստիճան պաշտոնյաներ։
«Բասիջ»-ը հայտնի է ռեժիմի դեմ բողոքի ցույցերը բռնի ուժով ճնշելու գործում իր դերով, համարվում է, որ այն պատասխանատու է իրանցի անթիվ քաղաքացիական անձանց մահվան համար։
Միևնույն ժամանակ, Պաղեստինի «Իսլամական ջիհադի» բարձրաստիճան առաջնորդ Աքրամ ալ-Աջուրին և խմբավորման այլ բարձրաստիճան պաշտոնյաներ թիրախավորվել են Իսրայելի կողմից։ Զինվորականները կարծում են, որ ալ-Աջուրին, հավանաբար, սպանվել է հարվածի ժամանակ, սակայն վերջնական հաստատում չունեն։
Թարգմանությունը՝ Էմմա Չոբանյանի
