06.06.2026 | 13:33
Քրեական աստիճանակարգության բարձրագույն կարգավիճակ ունեցող անձը և ևս մեկ անձ ձերբակալվել են
Աբու Դաբիում հրթիռի բեկորներից մեկ մարդ է զոհվել. ԱՄԷ-ի Ֆուջեյրայի նավթային համալիրին նոր հարված է հասցվել
Քաղաքականություն
17.03.2026 | 13:46
Աբու Դաբիում որսված հրթիռի բեկորներից Պակիստանի քաղաքացի է զոհվել, հայտնել են իշխանությունները։ DW-ի փոխանցմամբ՝ միջադեպը տեղի է ունեցել Բանի Յաս շրջանում՝ «հակաօդային պաշտպանության կողմից բալիստիկ հրթիռի որսալուց հետո»։
Իրանի դեմ ԱՄՆ-Իսրայել պատերազմի սկսվելուց և փետրվարի վերջին Թեհրանի կողմից ձեռնարկված պատասխան գործողություններից ի վեր ԱՄԷ-ում զոհվել է առնվազն ութ մարդ։
Բացի այդ, հաղորդվում է, որ ԱՄԷ-ի արևելյան ափին գտնվող Ֆուջեյրա նավթային համալիրին անօդաչու թռչող սարքի նոր հարված է հասցվել, որի հետևանքով հրդեհ է բռնկվել, սակայն տուժածներ չկան, հայտնել են տեղական իշխանությունները։
«Էմիրության քաղաքացիական պաշտպանության խմբերն անմիջապես միջամտել են տեղում և շարունակում են իրենց ջանքերը՝ իրավիճակը վերահսկողության տակ վերցնելու համար»,- ասվում է իշխանությունների կողմից X-ում հայտարարության մեջ։
Օբյեկտը, որը գտնվում է Օմանի ծոցի ափին և թույլ է տալիս ԱՄԷ-ին շրջանցել Հորմուզի նեղուցը որոշ արտահանման համար, արդեն հարված է ստացել երկուշաբթի։ Աղբյուրը AFP-ին հայտնել է, որ պահեստարաններ նավթի բեռնումը դադարեցվել է։
Թարգմանությունը՝ Էմմա Չոբանյանի
