10.06.2026 | 11:17
805 անձի ՀՀ քաղաքացիության տրամադրումը մերժվել է․ ՏԵՍԱՆՅՈՒԹ
Իրանի հետ պատերազմում վիրավորվել է 200 ամերիկացի զինվոր
Քաղաքականություն
17.03.2026 | 16:43
ԱՄՆ զինված ուժերը հայտարարել են, որ Իրանի դեմ ԱՄՆ-Իսրայել պատերազմի սկզբից ի վեր, որը սկսվել էր ընդամենը երկու շաբաթ առաջ, վիրավորվել է շուրջ 200 ամերիկացի զինվոր, գրում է DW-ն։
«Վնասվածքների մեծ մասը թեթև է եղել, ավելի քան 180 զինվոր արդեն վերադարձել է ծառայության, մինչդեռ 10-ը դասակարգվում է որպես ծանր վիրավոր»,- ասել է ԱՄՆ Կենտրոնական հրամանատարության խոսնակ Թիմ Հոքինսը։
Ըստ նրա՝ ամերիկացի զինվորականները վիրավորվել են մի քանի երկրներում, այդ թվում՝ Բահրեյնում, Իրաքում, Իսրայելում, Հորդանանում, Քուվեյթում, Սաուդյան Արաբիայում և Արաբական Միացյալ Էմիրություններում։
Ընդհանուր առմամբ, զոհվել է 13 ամերիկացի զինվոր․ յոթը՝ հարձակումների, վեցը՝ Իրաքում ինքնաթիռի վթարի հետևանքով։
Ավելի վաղ հաղորդվել էր, որ ԱՄՆ-Իրան պատերազմի 10 օրերի ընթացքում վիրավորվել է 150 ամերիկացի զինծառայող։
Թարգմանությունը՝ Էմմա Չոբանյանի
