07.09.2026 | 11:21
Ունենք ոչ թե ավտոբուսների քանակի, այլ փողոցների ծանրաբեռնվածության խնդիր․ Ավինյան․ ՏԵՍԱՆՅՈւԹ
Իրանի ԱԳ նախարարը հերքում է, որ պատերազմի սկսվելուց հետո շփում է ունեցել Ուիթկոֆի հետ
Քաղաքականություն
17.03.2026 | 11:20
Իրանի արտաքին գործերի նախարար Աբբաս Արաղչին հայտարարել է, որ իր վերջին շփումը ԱՄՆ նախագահի հատուկ բանանաց Սթիվ Ուիթկոֆի հետ տեղի է ունեցել մինչև Իրանի դեմ ԱՄՆ-Իսրայել գործողության սկսվելը, գրում է BBC-ի ռուսական ծառայությունը։
«Իմ վերջին շփումը պարոն Ուիթկոֆի հետ տեղի է ունեցել՝ նախքան նրա գործատուն որոշեց դադարեցնել դիվանագիտական բանակցությունները՝ Իրանին ևս մեկ անօրինական ռազմական հարված հասցնելով։ Հակառակ պնդումները, կարծես, ուղղված են բացառապես նավթի առևտրականներին և հանրությանը մոլորեցնելուն»,- գրել է նա X սոցիալական ցանցում։
Երկուշաբթի ավելի վաղ Axios-ը, հղում անելով աղբյուրներին, հայտնել էր, որ վերջին օրերին վերականգնվել է ուղիղ կապը Ուիթկոֆի և Արաղչիի միջև, որոնք մասնակցել էին Ժնևում կայացած բանակցություններին Իրանի դեմ գործողությունների սկսվելուց կարճ ժամանակ առաջ։ Աղբյուրների պնդմամբ՝ իրանցի նախարարը Դոնալդ Թրամփի հատուկ բանագնացին ուղարկել է պատերազմի ավարտի վերաբերյալ քննարկումներով հաղորդագրություններ։
Թարգմանությունը՝ Էմմա Չոբանյանի
