26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Թրամփը հայտարարել է, որ նավթի գները կտրուկ կնվազեն «Իրանի հետ պատերազմի ավարտից անմիջապես հետո»
Քաղաքականություն
16.03.2026 | 22:11
ԱՄՆ նախագահ Դոնալդ Թրամփը PBS News Hour-ի Սպիտակ տան թղթակից Լիզ Լանդերսի հետ կարճ հեռախոսազրույցում հայտնել է, որ ակնկալում է՝ նավթի գները կտրուկ կնվազեն «Իրանի հետ պատերազմի ավարտից անմիջապես հետո»։
«Ես չեմ կարծում, որ դա երկար կտևի»,- ժամկետների վերաբերյալ հարցին պատասխանել է նա։
CBS News-ի լրագրող Նենսի Քորդեսը, իր հերթին, Սպիտակ տան մամուլի քարտուղար Քարոլայն Լիվիթին հարց է ուղղել, թե ինչու պետք է այլ երկրներ արձագանքեն նախագահ Թրամփի կոչին՝ օգնելու Հորմուզի նեղուցում նավերի պաշտպանությանը, հաշվի առնելով, որ նրանք ներգրավված չեն եղել ԱՄՆ-ի և Իսրայելի կողմից Իրանի վրա հարվածներին, որոնք հանգեցրին շարունակվող պատերազմին։
«Որովհետև այդ մյուս երկրները մեծ օգուտ են քաղում Միացյալ Նահանգների կողմից Իրանի սպառնալիքի վերացումից»,- պատասխանել է Լիվիթը։
Ըստ նրա՝ «իրանական ռեժիմը վաղուց սպառնալիք է ներկայացնում ոչ միայն Ամերիկայի Միացյալ Նահանգների, այլև Պարսից ծոցի և տարածաշրջանի արաբ գործընկերների համար»։
«Այսպիսով, այս երկրները բացարձակապես օգուտ են քաղում այն բանից, որ Իրանը երբեք չի կարողանա միջուկային զենք ձեռք բերել։ Սա այն բանն է, որի հետ համաձայն է եղել ոչ միայն Միացյալ Նահանգները, այլև ամբողջ արևմտյան աշխարհը երկար, շատ երկար տարիներ»,- հավելել է խոսնակը։
Լիվիթը չի բացահայտել, թե ինչ ծրագրեր կարող է մշակել Սպիտակ տունը՝ Հորմուզի նեղուցում նավագնացության համար Իրանի սպառնալիքին հակազդելու համար, եթե մյուս երկրները որոշեն չօգնել ջրային ուղու վերաբացման հարցում։
Թարգմանությունը՝ Էմմա Չոբանյանի
