07.09.2026 | 11:52
Ուկրաինական ԱԹՍ-ների հարձակման հետևանքով Պերմում բնակելի շենք է վնասվել․ կա զոհ․ ՏԵՍԱՆՅՈՒԹ
Փաշինյանին միացած արքեպիսկոպոսը հրաժարվել է թեմի առաջնորդ լինելուց
Քաղաքականություն
16.03.2026 | 17:09
Վայոց ձորի թեմի առաջնորդ Աբրահամ արքեպիսկոպոս Մկրտչյանը սեփական դիմումի համաձայն ազատվել է թեմի առաջնորդի պաշտոնից։ Այս մասին տեղեկանում ենք Մայր Աթոռի տարածած հաղորդագրությունից։
«Ն. Ս. Օ. Տ. Տ. Գարեգին Երկրորդ Ամենայն Հայոց Կաթողիկոսի՝ մարտ 16, 2026 թվակիր Հայրապետական տնօրինությամբ Վայոց ձորի թեմի առաջնորդ Գերաշնորհ Տ. Աբրահամ արքեպիսկոպոս Մկրտչյանը ազատ է կացուցվել թեմակալ առաջնորդի պաշտոնից և կոչվել հանգստյան՝ իր գրավոր և բանավոր դիմումների հիման վրա։ Հայրապետական տնօրինությամբ Սյունյաց թեմի առաջնորդ Գերաշնորհ Տ. Մակար եպիսկոպոս Հակոբյանը համատեղության կարգով նշանակվել է Վայոց ձորի թեմի առաջնորդական տեղապահ՝ իրականացնելու թեմակալ առաջնորդի պարտականությունները»,- նշված է հաղորդագրությունում։
Հիշեցնենք՝ Վայոց ձորի թեմի արդեն նախկին առաջնորդ Աբրահամ արքեպիսկոպոս Մկրտչյանն այն բարձրաստիճան հոգևորականներից է, որ միացել էր Նիկոլ Փաշինյանի նախաձեռնած եկեղեցու բարենորոգման ծրագին։ Այս տարվա հունվարի 5-ին նա այլ եպիսկոպոսների հետ վարչապետի կեցավայրում ստորոգրել էր մի թղթի տակ, որով ստեղծում են համակարգող խորհուրդ։ Այդ խորհուրդը պետք է զբաղվի Հայ առաքելական եկեղեցու բարեփոխման կազմակերպչական հարցերով։ Ի դեպ, տևական ժամանակ է ոչ Փաշինյանը, ոչ հոգևորականները այս խորհրդի գործունեության մասին ոչինչ չեն հայտնում։
