27.10.2026 | 00:08
Վարդան Մինասյանն աշխատանքի է անցել Լիբանանում
Ադրբեջանի ցամաքային սահմանները փակ կմնան մինչև ապրիլի 1-ը
Քաղաքականություն
16.03.2026 | 16:29
Ադրբեջանում երկարաձգվել է հատուկ կարանտինային ռեժիմը։ Համապատասխան որոշում է կայացրել Նախարարների կաբինետը, գրում են ադրբեջանական լրատվամիջոցները։
Նշվում է, որ երկրում կորոնավիրուսային հիվանդության (COVID-19) տարածումը և դրա հնարավոր հետևանքները կանխելու նպատակով, Ադրբեջանի Հանրապետությունում հատուկ կարանտինային ռեժիմը երկարաձգվել է մինչև 2026 թվականի հուլիսի 1-ի ժամը 6:00-ը։
Նախկինում այս ժամկետը սահմանված էր մինչև 2026 թվականի ապրիլի 1-ի ժամը 6:00-ը։
Ադրբեջանի ցամաքային սահմանները փակ են 2020 թվականից՝ COVID-19 համավարակի հետ կապված սահմանված հատուկ կարանտինային ռեժիմի շրջանակում։ Չնայած սահմանների փակումը սկզբնապես արդարացվում էր համավարակով՝ հետագա տարիներին շատ երկրներ աստիճանաբար վերացրել են այդ սահմանափակումները։ Սակայն Ադրբեջանի իշխանությունները սահմանների շարունակական փակումը հիմնականում բացատրում են անվտանգության մտահոգություններով։
Ադրբեջանի նախագահ Իլհամ Ալիևը տարբեր ելույթներում ևս նշել է, որ ցամաքային սահմանների փակումը կարևոր է անվտանգության նկատառումներից ելնելով՝ նշելով, որ այս որոշումը «պաշտպանում է Ադրբեջանին խոշոր աղետներից»։ Ադրբեջանի ցամաքային սահմանները փակ են արդեն վեց տարի։
Թարգմանությունը՝ Էմմա Չոբանյանի
