02.07.2026 | 16:20
Կալլասը խոստանում է ԵՄ նոր պատժամիջոցներ ՌԴ-ի նկատմամբ՝ Կիևին ռուսական հարվածներից հետո
Գրանցվել է 644 դեպք, որից 214-ը՝ արտակարգ. ՓԾ-ն ամփոփել է անցած շաբաթը
16.03.2026 | 13:27
Փրկարար ծառայությունն ամփոփել է անցած շաբաթը: Մարտի 9-15-ը ՆԳՆ 112 օպերատիվ կառավարման կենտրոնում գրանցվել է 644 դեպք, որից 214-ը՝ արտակարգ:
Մասնավորապես՝ հրդեհի՝ 119, փլուզման՝ 3, կենսաապահովման կոմունալ համակարգերում վթարի, զինամթերքի հայտնաբերման՝ 4-ական, քարաթափման՝ 5, ձնաբքի՝ 6, մերկասառույցի՝ 23, դիակի հայտնաբերման, դժբախտ պատահարի՝ 1-ական, որոնողափրկարարական՝ 2, թունավորման՝ 8, ինքնասպանության փորձի՝ 12, կեղծ ահազանգի՝ 10, ճանապարհատրանսպորտային պատահարի՝ 41, ինչպես նաև՝ կենցաղային կանչի՝ 200, հրդեհի ծագման սպառնալիքի՝ 23, հրդեհի կեղծ կանչի՝ 29, 153 այլ դեպքեր:
Եղանակային պայմաններով և այլ գործոններով պայմանավորված գրանցվել է տրանսպորտային միջոցների արգելափակման 127 դեպք: Փրկարարներն օգնություն են ցուցաբերել 232 քաղաքացու և անվտանգ տարածք տեղափոխել ավտոճանապարհներին արգելափակված 136 տրանսպորտային միջոց:
Նախորդ շաբաթվա ընթացքում տուժել է 78, զոհվել՝ 6 մարդ: Փրկարարական գործողությունների արդյունքում փրկվել է 3 մարդ:
