27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Իսրայելը հայտարարել է, որ Թեհրանի օդանավակայանում ոչնչացրել է Ալի Խամենեիի ինքնաթիռը
Քաղաքականություն
16.03.2026 | 13:55
Իսրայելի ռազմաօդային ուժերը գիշերը Թեհրանի Մեհրաբադ օդանավակայանում հարվածել և ոչնչացրել են Իրանի սպանված գերագույն առաջնորդ այաթոլլահ Ալի Խամենեիի ինքնաթիռը, հայտնում է բանակը։
Իսրայելական բանակը պնդում է, որ ինքնաթիռն օգտագործվել է Խամենեիի և Իրանի այլ բարձրաստիճան պաշտոնյաների կողմից «ռազմական գնումները առաջ մղելու և Առանցքի երկրների հետ հարաբերությունները կարգավորելու համար՝ ներքին և միջազգային չվերթների միջոցով»։
Զինվորականները հավելում են, որ «ռազմավարական ակտիվի» ոչնչացումը հարված է Իրանի «համակարգման կարողություններին» պրոքսի խմբերի հետ, նրա «ռազմական հզորության կառուցմանը և ռեժիմի վերականգնողական կարողություններին»։
Այս ամիս ավելի վաղ Իսրայելի ռազմաօդային ուժերը Մեհրաբադ օդանավակայանում հարվածել և ոչնչացրել էին 16 ինքնաթիռ, որոնք, ըստ զինվորականների, օգտագործվում էին Իսլամական հեղափոխության պահապանների կորպուսի արտատարածքային թևի՝ «Քուդս» ուժերի կողմից՝ ահաբեկչական խմբավորումներին, որոնցից գլխավորը Լիբանանի «Հըզբոլլահն» է, զենք և կանխիկ գումար մատակարարելու համար։
Ըստ իսրայելական կողմի՝ Իրանը ինքնաթիռներից մի քանիսը տեղափոխել էր չօգտագործված ինքնաթիռների պահեստային տարածքներ՝ փորձելով Իսրայելի համար դժվարացնել դրանց նույնականացումը։
Իրանի իշխանությունները դեռևս չեն մեկնաբանել իսրայելական բանակի այս հայտարարությունը։
Թարգմանությունը՝ Էմմա Չոբանյանի
