27.10.2026 | 00:08
Վարդան Մինասյանն աշխատանքի է անցել Լիբանանում
Իսրայելը հայտարարել է Լիբանանում «սահմանափակ» ցամաքային գործողություններ սկսելու մասին
Քաղաքականություն
16.03.2026 | 12:04
Իսրայելի բանակը Telegram-ում տարածված հայտարարության մեջ նշել է, որ «սահմանափակ և նպատակային ցամաքային գործողություններ» են սկսել «Հըզբոլլահ»-ի հիմնական հենակետերի դեմ» հարավային Լիբանանում, գրում է BBC-ն։
Հայտարարության համաձայն՝ հարավային Լիբանան զորքերի մուտք գործելուց առաջ տարածքում հարվածներ են հասցվել «բազմաթիվ ահաբեկչական թիրախների», գործողությունը նպատակ ուներ «ամրապնդել առաջնային պաշտպանական գոտին» և «տարածաշրջանում ահաբեկչական ենթակառուցվածքների ապամոնտաժումը»։ Օգտագործվել է ինչպես հրետանի, այնպես էլ ռազմաօդային ուժեր՝ «օպերատիվ միջավայրում սպառնալիքները մեղմելու համար»։
Լիբանանը ներքաշվել է Մերձավոր Արևելքի պատերազմի մեջ մարտի 2-ին, երբ Իրանի կողմից աջակցվող «Հըզբոլլահ»-ը հարձակվեց Իսրայելի վրա՝ ի պատասխան ԱՄՆ-ի և Իսրայելի կողմից Իրանի գերագույն հոգևոր առաջնորդ այաթոլլայ Ալի Խամենեիի սպանության, որից հետո Իսրայելն օդային հարվածներ է իրականացնում հարևան երկրի վրա, նաև զորքեր է մտցրել սահմանային շրջաններ։
Թարգմանությունը՝ Էմմա Չոբանյանի
