06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Երևանի քաղաքապետը նոր խորհրդական ունի․ ՏԵՍԱՆՅՈՒԹ
Քաղաքականություն
16.03.2026 | 11:07
Երևանի քաղաքապետ Տիգրան Ավինյանը գործակարգավարական խորհրդակցությանը հայտնեց, որ նոր խորհրդական ունի։
Տիգրան Ավինյանը Սերգեյ Հովակիմյանին շնորհավորեց նշանակման կապակցությամբ։ Ներկաները ծափահարություններով ողջունեցին նրա նշանակումը։
Նշենք, որ 2024-ին Ավինյանն ուներ 5 խորհրդական։ Նրանցից Անետա Բաբայանն այլևս քաղաքապետի խորհրդականի պաշտոնը չի զբաղեցնում․ նա «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի տնօրենի ժամանակավոր պաշտոնակատարն է։ Աշոտ Շահբազյանը ևս քաղաքապետի խորհրդականներից չէ։
Այժմ, ըստ Երևանի քաղաքապետարանի պաշտոնական կայքէջի, քաղաքապետն ունի 6 խորհրդական։ Նախկինում նրա օգնական Արման Լազրյանը հիմա զբաղեցնում է խորհրդականի պաշտոնը։ Քաղաքապետի խորհրդականների թիվն այսօր ավելացավ ևս մեկով․ ավելի վաղ խորհրդական էր նշանակվել Արփենիկ Մուրադյանը։
Մանրամասները՝ տեսանյութում։
Արփի Հակոբյան
