03.08.2026 | 22:29
Հայաստանի մի շարք հասցեներում էլեկտրաէներգիայի անջատումներ կլինեն
«Պարոն ոչ ոքն ընդդեմ Պուտինի»-ն՝ լավագույն վավերագրական ֆիլմ. հայտնի են Օսկար 2026-ի հաղթողները
Քաղաքականություն
16.03.2026 | 11:13
Փոլ Թոմաս Անդերսոնի «Մեկ մարտ մյուսից հետո» (One Battle After Another) ֆիլմն արժանացել է Օսկար մրցանակի լավագույն ֆիլմ անվանակարգում։ 98-րդ Օսկար մրցանակաբաշխությունը տեղի է ունեցել Լոս Անջելեսի Dolby Theatre-ում մարտի 15-ին, գրում է DW-ի ռուսական ծառայությունը։
Փոլ Թոմաս Անդերսոնն արժանացել է երկու Օսկարի՝ ռեժիսորի և լավագույն ադապտացված սցենարի համար։ Շոն Փենն արժանացել է երկրորդ պլանի լավագույն դերասանի մրցանակին։ Ֆիլմը նաև առաջադրվել է նոր անվանակարգում՝ դերասանական կազմի ընտրության համար։ Հաղթել նաև «Լավագույն մոնտաժ» անվանակարգում։ Ֆիլմն ընդհանուր արժանացել է վեց Օսկարի։
Անդերսոնի ֆիլմը, որի գլխավոր դերերում են Լեոնարդո ԴիԿապրիոն, Շոն Փենը, Բենիսիո դել Տորոն և Թեյանա Թեյլորը, պատմում է Միացյալ Նահանգներում ձախակողմյան արմատական խմբավորման անդամների կյանքի մասին։
Մայքլ Բ. Ջորդանը («Մեղսագործները») և Ջեսի Բաքլին («Համնետ. Համնետի պատմությունը») համապատասխանաբար հաղթեցին «Լավագույն դերասան» և «Լավագույն դերասանուհի» անվանակարգերում։ Ռայան Քուգլերի «Մեղավորներ» (Sinners) սարսափ ֆիլմը,որի պրոդյուսերներից է նաև ամերիկահայ Սև Օհանյանը, մրցանակի է արժանացել «Լավագույն օրիգինալ սցենար» անվանակարգում։ Ֆիլմն ընդհանուր չորս Օսկարի է արժանացել։
Էմի Մեդիգանը («Զենքեր») հաղթել է «Երկրորդ պլանի լավագույն դերասանուհի» անվանակարգում։
«K-Pop Demon Hunters» (2025) ֆանտաստիկ անիմացիոն ֆիլմն արժանացել է երկու Օսկար մրցանակի («Լավագույն անիմացիոն ֆիլմ» և «Լավագույն օրիգինալ երգ» անվանակարգերում)։
Պավել Տալանկինի և Դեյվիդ Բորենշտեյնի «Պարոն ոչ ոքն ընդդեմ Պուտինի» (2025) ֆիլմը, որը պատմում է ռուսական դպրոցներում պատերազմական քարոզչության մասին, արժանացել է Օսկար մրցանակի որպես լավագույն վավերագրական ֆիլմ։
Թարգմանությունը՝ Էմմա Չոբանյանի
