14.03.2026 | 15:20
NYMEX. Թանկարժեք մետաղների գները նվազել են
ՀԱԿ-ը պատրաստ է սկսել կոնսոլիդացիայի գործընթաց «Ուժեղ Հայաստան»-ի և ընդդիմադիր այլ ուժերի հետ. Զուրաբյան
Քաղաքականություն
14.03.2026 | 14:16
ՀԱԿ-ը պատրաստ է սկսել կոնսոլիդացիայի գործընթաց «Ուժեղ Հայաստան»-ի և ընդդիմադիր այլ ուժերի հետ միասին։ Այս մասին «Հայ ազգային կոնգրես» կուսակցության 5-րդ համագումարի ժամանակ հայտարարել է ՀԱԿ-ի վարչապետի թեկնածու Լևոն Զուրաբյանը։
«Այս դահլիճում, որտեղ 1990-ին հնչել է Անկախության հռչակագիրը, տարբեր քաղաքական ուժերի ներկայությունն ինձ հույս է տալիս հավատալ, որ կոնսոլիդացիան այլևս իրականություն է»,- ասել է Զուրաբյանը։
Համագումարին հրավիրված էին «Ուժեղ Հայաստան», «Ապրելու երկիր», «Լուսավոր Հայաստան», «Հաղթանակ», «Նոր ուժ» կուսակցություններն ու «Նժար» սահմանադրական շարժման անդամները:
Կուսակցության առաջնորդ, Հայաստանի առաջին նախագահ Լևոն Տեր-Պետրոսյանը ներկա չէր համագումարին, սակայն դահլիճում հնչել է նրա ուղերձը։
Հիշեցնենք, որ ՀՀ-ում հերթական խորհրդարանական ընտրությունները կկայանան 2026 թվականի հունիսի 7-ին։
