02.07.2026 | 13:21
Անդրանիկ Թևանյանը դատի է տվել Վահագն Ալեքսանյանին․ պահանջում է հերքում, ներողություն և 9 մլն դրամ
Պուտինը Թրամփին առաջարկել է հարստացված ուրանը Իրանից տեղափոխել Ռուսաստան․ Axios
Քաղաքականություն
14.03.2026 | 14:39
ՌԴ նախագահ Վլադիմիր Պուտինը ԱՄՆ-ին առաջարկել է հարստացված ուրանի պաշարները Իրանից Ռուսաստան տեղափոխել՝ Մերձավոր Արևելքի պատերազմը դադարեցնելու համաձայնագրի շրջանակներում․ հաղորդում է Axios-ը։
Հրապարակման համաձայն՝ Պուտինն այս առաջարկը Դոնալդ Թրամփին արել է մարտի 9-ին տեղի ունեցած հեռախոսազրույցի ժամանակ։ ԱՄՆ նախագահը հրաժարվել է։
Axios-ի տվյալներով՝ Թեհրանն ունի մոտավորապես 450 կիլոգրամ ուրան, որը հարստացված է մինչև 60%։ Այս պաշարները կարող են հարստացվել մինչև 90% մի քանի շաբաթվա ընթացքում, ինչը բավարար է տասը միջուկային ռումբ ստեղծելու համար։
«Այս առաջարկը առաջին անգամը չէ, որ արվում է։ Այն չի ընդունվել։ ԱՄՆ դիրքորոշումն այն է, որ մենք պետք է վստահ լինենք, որ ուրանը անվտանգ կերպով է պահվում», – Axios-ին ասել է Թրամփի վարչակազմի պաշտոնյան։
Թարգմանությունը՝ Անահիտ Խաչատրյանի
